അയർലണ്ട് മലയാളികളെ കണ്ണീരിലാഴ്ത്തി നൈസിൻ തോമസ്; വിടവാങ്ങിയത് സ്നേഹനിധിയായ നഴ്സ്
സ്ലൈഗോ: അയർലണ്ടിലെ സ്ലൈഗോയിൽ ജോലി ചെയ്തിരുന്ന ഊന്നുകൽ സ്വദേശിനിയായ മലയാളി നഴ്സ് നൈസിൻ തോമസ് (38) അന്തരിച്ചു. അവർ സ്ലൈഗോ യൂണിവേഴ്സിറ്റി ഹോസ്പിറ്റലിൽ ഡയാലിസിസ് നഴ്സായി സേവനം അനുഷ്ഠിച്ചു വരികയായിരുന്നു.
ഊന്നുകൽ സ്രാട്ടേൽ ആൽബിൻ സെബാസ്റ്റ്യന്റെ ഭാര്യയാണ് നൈസിൻ. ആൽബിനും അയർലണ്ടിൽ തന്നെ നഴ്സായി ജോലി ചെയ്യുന്നു.
മക്കൾ: നേതൻ സെബാസ്റ്റ്യൻ സ്രാട്ടേൽ, തോമസ് ഡേവിഡ് സ്രാട്ടേൽ.
ചാലക്കുടി മാളിയേക്കൽ ചെറ്റക്കൽ സി.എ. തോമസ് പിതാവും ശോഭാ തോമസ് മാതാവുമാണ്.
സഹോദരങ്ങൾ:
- സെറിന് തോമസ് (നഴ്സ്, ഓസ്ട്രേലിയ)
- ഏഞ്ചല് തോമസ് (അയർലണ്ട്)
ബെംഗളൂരുവിലെ ഗൗതം കോളേജ് ഓഫ് നഴ്സിംഗിൽ നിന്നാണ് നൈസിൻ ബിരുദം നേടിയത്. തുടർന്ന്
- പൂനെയിലെ റൂബി ഹാൾ ക്ലിനിക്ക്,
- ഒമാൻ മിനിസ്ട്രി ഓഫ് ഹെൽത്ത്,
- എന്നിസ്ക്രോണിയിലെ സോണാസ് നഴ്സിംഗ് ഹോം
എന്നിവിടങ്ങളിൽ സേവനം അനുഷ്ഠിച്ചിട്ടുണ്ട്.
സംസ്കാര ചടങ്ങുകൾ
നൈസിന്റെ സംസ്കാര ചടങ്ങുകൾ മാർച്ച് 16 തിങ്കളാഴ്ച ഉച്ചയ്ക്ക് 2 മണിക്ക്
സ്ലൈഗോയിലെ ബാലിസഡേർ സെന്റ് ബ്രിജിറ്റ്സ് ദേവാലയത്തിൽ നടക്കും.
അനുശോചനം
നൈസിന്റെ നിര്യാണത്തിൽ ഇന്ത്യൻ അസോസിയേഷൻ ഓഫ് സ്ലൈഗോ അനുശോചനം രേഖപ്പെടുത്തി.
അതുപോലെ തന്നെ
- മലയാളി അസോസിയേഷൻ സ്ലൈഗോ
- നോർത്ത് വെസ്റ്റ് ഹിന്ദു കൾച്ചറൽ സൊസൈറ്റി
- സെന്റ് തോമസ് സീറോ-മലബാർ ചർച്ച് സ്ലൈഗോ
- സെന്റ് തോമസ് ഇന്ത്യൻ ഓർത്തഡോക്സ് ചർച്ച് സ്ലൈഗോ
- ഇമ്മാനുവൽ ഗോസ്പൽ മിഷൻ ചർച്ച് സ്ലൈഗോ
- മർത്തശ്മുനി യാക്കോബായ ചർച്ച് സ്ലൈഗോ
എന്നിവയും അനുശോചനം അറിയിച്ചു.
