മലപ്പുറത്ത് മത്സ്യബന്ധനത്തിനായി പോയ ബോട്ടിൽ കപ്പലിടിച്ച് അപകടം; രണ്ടായി പിളർന്ന ബോട്ടിൽനിന്നും രണ്ടുപേരെ കടലിൽ കാണാതായി; നാവികസേന തിരച്ചിൽ തുടരുന്നു

മലപ്പുറത്ത് മത്സ്യബന്ധനത്തിനായി പോയ ബോട്ടിൽ കപ്പലിടിച്ച് ഉണ്ടായ അപകടത്തിൽ 2 പേരെ കാണാതായി. സ്രാങ്ക് അഴീക്കൽ സ്വദേശി അബ്ദുൽസലാം, ഗഫൂർ എന്നിവരെയാണ് കാണാതായത്. അഴീക്കൽ സ്വദേശി മരക്കാട്ട് നൈനാറിന്റെ ഉടമസ്ഥതയിലുള്ള ‘ഇസ്‌ലാഹി’ എന്ന ബോട്ടാണ് അപകടത്തിൽ പെട്ടത്. അപകടമുണ്ടാക്കുന്ന വിധം തീരത്തോടു ചേർന്നാണ് കപ്പൽ സഞ്ചരിച്ചിരുന്നതെന്ന് മത്സ്യത്തൊഴിലാളികൾ പറഞ്ഞു. ഇന്ന് പുലർച്ചെയാണ് സംഭവം. ബോട്ടിലുണ്ടായിരുന്ന ആറുപേരിൽ നാലുപേരെ കപ്പലുകാർ രക്ഷപ്പെടുത്തി. രണ്ടുപേർക്ക് വേണ്ടിയുള്ള തിരച്ചിൽ തുടരുകയാണ്. തിരച്ചിലിനായി നാവികസേനയുമെത്തി. പൊന്നാനിയിൽ നിന്ന് 38 നോട്ടിക്മൈൽ അകലെ വച്ചാണ് അപകടമുണ്ടായത്. ഇടിയുടെ ആഘാതത്തിൽ ബോട്ട് രണ്ടായി മുറിഞ്ഞ് കടലിൽ താഴ്ന്നു.

Read also: സുഹൃത്തിനെ കാണാൻ ആശുപത്രിയിലെത്തിയ യുവാക്കളെ കസേരകൊണ്ട് അടിച്ചു താഴെയിട്ട് അതേവാർഡിലെ മറ്റൊരു രോഗി; രണ്ടുപേർ ബോധരഹിതരായി