മലപ്പുറത്ത് നിപ രോഗലക്ഷണങ്ങ ളോടെ ആശുപത്രിയിൽ പ്രവേശിപ്പിച്ച 15കാരനു ചെള്ളുപനി സ്ഥിരീകരിച്ചു. പരിശോധനാഫലം ആരോഗ്യ വകുപ്പിനു കൈമാറി. പെരിന്തല്മണ്ണ സ്വകാര്യ ആശുപത്രിയില്നിന്ന് അയച്ച പരിശോധനയിലാണ് ഫലം പോസിറ്റീവ് ആയത്. കൊച്ചിയിലെ മെട്രോപോളിസ് ലാബിലാണ് പരിശോധന നടന്നത്. സംഭവത്തില് ആരോഗ്യ വകുപ്പ് ഉന്നതതല യോഗം ഉടന് ചേരും. ആരോഗ്യ മന്ത്രിയുടെ അധ്യക്ഷതയില് യോഗം ചേര്ന്ന് സ്ഥിതി വിലയിരുത്തും. (Malappuram boy with symptoms of Nipah has also been diagnosed with another serious illness)
നിപ രോഗലക്ഷണങ്ങളെ തുടര്ന്ന് 15കാരന് കോഴിക്കോട് സ്വകാര്യ ആശുപത്രിയില് ചികിത്സയിലാണുള്ളത്. കുട്ടിയുടെ അമ്മാവന് ഉള്പ്പെടെയുള്ള ബന്ധുക്കള് നിരീക്ഷണത്തിലാണ്. സ്രവ സാംപിള് വിശദ പരിശോധനയ്ക്കായി പൂനെ വയറോളജി ഇന്സ്റ്റിറ്റ്യൂട്ടിലേക്ക് അയച്ചിരുന്നു. പരിശോധനാഫലം ഇന്ന് വൈകീട്ടോടെ ലഭിക്കും.
നാലു ദിവസമായി 15കാരന് ആരോഗ്യ പ്രശ്നങ്ങളുണ്ടായിരുന്നു. ഇന്നലെ രാത്രിയാണ് ഇതുമായി ബന്ധപ്പെട്ട അറിയിപ്പ് ലഭിച്ചത്. മലപ്പുറത്ത് ആരോഗ്യവകുപ്പ് പ്രത്യേക ജാഗ്രതാ നിര്ദേശം നല്കിയിട്ടുണ്ട്. നിലവില് മറ്റാര്ക്കും രോഗലക്ഷണങ്ങളില്ലെന്നാണു ലഭിക്കുന്ന വിവരം. നിപ പ്രോട്ടോക്കോള് പാലിക്കാന് ആരോഗ്യവകുപ്പ് നിര്ദേശം നല്കിയിട്ടുണ്ട്.
