ലോക സിനിമ ഓടിടി റിലീസ്; ഔദ്യോഗിക പ്രഖ്യാപനം
മലയാള സിനിമയുടെ ചരിത്രത്തിലെ ഏറ്റവും വലിയ കളക്ഷന്‍ നേടിയ ചിത്രം ലോക: ചാപ്റ്റര്‍ 1 ചന്ദ്ര ഓഗസ്റ്റ് 28 ന് ഓണം റിലീസായി അരങ്ങേറി.
വലിയ പ്രീ-റിലീസ് പബ്ലിസിറ്റി ഇല്ലാതെയും, ചിത്രത്തിന്റെ പരസ്യ മെറ്റീരിയലുകള്‍ പ്രേക്ഷകരില്‍ വലിയ ശ്രദ്ധ നേടിയിരുന്നു. റിലീസ് ദിനം തന്നെ ”മസ്റ്റ് വാച്ച്” എന്ന അഭിപ്രായം ചിത്രത്തിന് ലഭിക്കുകയും ചെയ്തു.
ഗൂഗിൾ,അദാനി,എയർടെൽ കൈകോർക്കുന്നു;ഇന്ത്യയുടെ ആദ്യ എ.ഐ ഹബ്ബിന് തുടക്കം
ഓടിടി റിലീസിന് ഔദ്യോഗിക പ്രഖ്യാപനം
ചിത്രം തിയേറ്ററുകളില്‍ വന്‍ വിജയം നേടിയതിനെ തുടര്‍ന്ന് ജിയോ ഹോട്ട്സ്റ്റാര്‍ വഴി ഒടിടിയില്‍ എത്തുമെന്നാണ് ഔദ്യോഗികമായി പ്രഖ്യാപിച്ചത്.
റിലീസ് തീയതി പ്രഖ്യാപിച്ചിട്ടില്ല; ഉടന്‍ എത്തും എന്നാണ് നിലവിലെ അറിയിപ്പ്. നിര്‍മ്മാതാവ് ദുല്‍ഖര്‍ സല്‍മാന്‍ മുമ്പ് വ്യാജ ഒടിടി വാര്‍ത്തകള്‍ക്കെതിരെ പ്രതികരിച്ചിരുന്നു.
ഇന്നലെ ചിത്രം 300 കോടി ക്ലബ്ബില്‍ ഇടംപിടിച്ചതായി ഔദ്യോഗികമായി പ്രഖ്യാപിച്ചിരുന്നു.
ഇത് മലയാളത്തിലെ ആദ്യ 300 കോടി ക്ലബ്ബ് ചിത്രം കൂടിയാകുന്നു. ഇതിന് പിന്നാലെ ചിത്രത്തിന്റെ ഓടിടി സ്ട്രീമിംഗ് പ്രഖ്യാപനവും ലഭിച്ചിരിക്കുന്നു.
ചിത്രത്തിന്റെ റിലീസിന്‍റെ 50-ാം ദിവസം അടുത്തെത്തുമ്പോഴാണ് ഒടിടി റിലീസ് പ്രഖ്യാപനം ഉണ്ടായത്.
മികച്ച പ്രതികരണം തമിഴ്, തെലുങ്ക് പതിപ്പുകളിലും
മലയാളത്തിന് പുറമെ തമിഴ്, തെലുങ്ക്, ഹിന്ദി പതിപ്പുകളിലും ചിത്രം എത്തിയിരുന്നു.
സാക്‌നില്‍കിന്റെ കണക്കുകള്‍ പ്രകാരം, തമിഴ് പതിപ്പ് 16.44 കോടി നെറ്റ്, തെലുങ്ക് പതിപ്പ് 13.74 കോടി നെറ്റ്, ഹിന്ദി പതിപ്പ് 3.74 കോടി നെറ്റ് കളക്ഷന്‍ നേടിയിട്ടുണ്ട്.
ഫ്രാഞ്ചൈസിയായി വളരുന്ന ലോക
കല്യാണി പ്രിയദര്‍ശന്‍ നായികയായെത്തിയ ആദ്യ ചാപ്റ്റര്‍ കൊണ്ട് തന്നെ ലോക വലിയ ഫ്രാഞ്ചൈസിയായി മാറിയിരിക്കുകയാണ്.
ടൊവിനോ തോമസ് നായകനാവുന്ന ചാത്തന്‍ അടുത്ത ചിത്രമാകും. പിന്നീട് ദുല്‍ഖര്‍ നായകനാവുന്ന ഒടിയനും, മമ്മൂട്ടി നായകനാവുന്ന മൂത്തോനും എത്തുമെന്നാണ് പ്രതീക്ഷ. പ്രേക്ഷകര്‍ ഈ പുതിയ ചിത്രങ്ങള്‍ക്കായുള്ള കാത്തിരിപ്പിലാണ്.
English Summary:
“Loka: Chapter 1 Chandra” became the first Malayalam film to enter the ₹300 crore club. After its theatrical success, the film is set to release on Jio Hotstar. The franchise continues with upcoming films starring Tovino Thomas, Dulquer Salmaan, and Mammootty. Tamil and Telugu versions also received excellent responses. The film’s Tamil and Telugu versions have also received excellent responses at the box office, further establishing its pan-Indian appeal. Fans are eagerly awaiting the next installments, including Chathan, Odeyan, and Moothon, which promise to expand the Loka universe even further.
