ചെന്നൈ: വാടക മുടങ്ങിയതിനെ തുടർന്ന് പക്ഷാഘാത ബാധിതനായ വാടകക്കാരനോട് ക്രൂരത കാട്ടി വീട്ടുടമ. വാടക നൽകാതെ ആയതോടെ ഇദ്ദേഹം താമസിക്കുന്ന ഒന്നാം നിലയിലേക്കുള്ള കോണിപ്പടി വീട്ടുടമ തകർത്തു. തമിഴ്നാട് കാഞ്ചിപുരത്തെ വനവിൽ നഗറിലാണ് സംഭവം നടന്നത്.(Landlord destroys staircase to paralyzed tenant’s room over rent)
പക്ഷാഘാതത്തെ തുടർന്ന് കിടപ്പുരോഗിയായ വേണുഗോപാലും കുടുംബവും താമസിക്കുന്ന വാടകവീടിന്റെ കോണിപ്പടിയാണ് ഉടമയായ ശ്രീനിവാസൻ തകർത്തത്. എഴുന്നേൽക്കാനാവാതെ ശരീരം തളർന്നു കിടക്കുന്ന വേണുഗോപാലിന് വാടക നൽകാൻ സാധിക്കാതെ വന്നതോടെ വീടൊഴിയാൻ ശ്രീനിവാസൻ ആവശ്യപ്പെട്ടിരുന്നു. എന്നാൽ, വേണുഗോപാൽ അഭിഭാഷകൻ്റെ സഹായം തേടി ഒഴിയാൻ കൂടുതൽ സമയം ആവശ്യപ്പെട്ടു. ഇതിൽ ക്ഷുഭിതനായ ശ്രീനിവാസൻ ഒന്നാം നിലയിലേക്കുള്ള കോണിപ്പടി പൊളിക്കുകയായിരുന്നു.
വിവരമറിഞ്ഞ സമീപവാസികളും നാട്ടുകാരും ചേർന്ന് ഫയർഫോഴ്സ് അധികൃതരെ വിവരമറിയിച്ചു. തുടർന്ന് ഇവരെത്തി ഏണി ഉപയോഗിച്ച് കുടുംബത്തെ രക്ഷപ്പെടുത്തുകയും വേണുഗോപാലിനെ അരയിൽ കയർകെട്ടി നിലത്ത് ഇറക്കുകയും ചെയ്തു. ഉടമയുടെ നിലപാടിനെതിരെ വിമർശനവുമായി നിരവധി പേർ രംഗത്തെത്തിയിട്ടുണ്ട്.
Read Also:മാർപ്പാപ്പ ഉടനൊന്നും ഇന്ത്യയിലേക്കില്ല; സെപ്റ്റംബറിൽ ദക്ഷിണേഷ്യയിലെ നാല് രാജ്യങ്ങൾ സന്ദർശിക്കും
Read Also: ആ വെല്ലുവിളി ഏറ്റെടുത്ത് വീണാ ജോർജിന്റെ ഭർത്താവ്; കോൺഗ്രസ് തടഞ്ഞതോടെ കൊടുമണ്ണിൽ നാടകീയരംഗങ്ങൾ
Read Also: കുളത്തൂർ മാർക്കറ്റിൽ നാടൻ ബോംബുകൾ കണ്ടെത്തി
