ശ്രീശാന്തിന്റെ മുഖത്തടിക്കുന്ന ദൃശ്യങ്ങൾ; ന്യായീകരിച്ച് മോദി
ന്യൂഡൽഹി: മുൻ ഇന്ത്യൻ ക്രിക്കറ്റ് താരം ഹർഭജൻ സിങ്, ശ്രീശാന്തിന്റെ മുഖത്തടിക്കുന്നതിന്റെ ദൃശ്യങ്ങൾ പുറത്തുവിട്ടതിനെ ന്യായീകരിച്ച് ലളിത് മോദി മുഖത്തടിക്കുന്നതിന്റെ ദൃശ്യങ്ങൾ പുറത്തുവിട്ടതിനെ ന്യായീകരിച്ച് മുൻ ഐപിഎൽ കമ്മിഷണർ ലളിത് മോദി.
ആവശ്യപ്പെട്ടപ്പോൾ മാത്രമേ താൻ സത്യം പറഞ്ഞുള്ളൂവെന്നും പഴയ മുറിവുകൾ വീണ്ടും തുറക്കാൻ ഉദ്ദേശിച്ചിരുന്നില്ല എന്നുമായിരുന്നു ലളിത് മോദിയുടെ പ്രതികരണം.
2008 ലെ ഐപിഎൽ മത്സരത്തിനിടെ നടന്ന സംഭവത്തിന്റെ വീഡിയോ ദൃശ്യങ്ങൾ ഇപ്പോൾ പുറത്തുവിട്ടതിനെ വിമർശിച്ച് ശ്രീശാന്തിന്റെ ഭാര്യ ഭുവനേശ്വരി രംഗത്ത് വന്നിരുന്നു.
ഭുവനേശ്വരിയുടെ വിമർശനത്തിന് മറുപടിയായാണ് താൻ സത്യം പറയുന്നയാളാണെന്ന് ലളിത് മോദി പറഞ്ഞത്.
അവർ എന്തിനാണ് ദേഷ്യപ്പെടുന്നതെന്ന് എനിക്കറിയില്ല.
ഭുവനേശ്വരി വീഡിയോ പുറത്തുവന്നത് കുടുംബത്തെ വേദനിപ്പിച്ചതായി പ്രതികരിച്ചു. “ഇത് കളിക്കാരെ മാത്രമല്ല, ഞങ്ങളുടെ നിരപരാധികളായ കുട്ടികളെയും ബാധിക്കുന്ന ഒന്നാണ്.
നാണക്കേടും നേരിടേണ്ടിവരുന്നത് അന്യായമാണ്
അവർക്ക് ഒന്നും അറിയാത്ത പഴയ സംഭവത്തെ അടിസ്ഥാനമാക്കി സമൂഹത്തിൽ ചോദ്യങ്ങളും നാണക്കേടും നേരിടേണ്ടിവരുന്നത് അന്യായമാണ്,” എന്ന് ഭുവനേശ്വരി ഇൻസ്റ്റാഗ്രാം സ്റ്റോറിയിലൂടെ പറഞ്ഞു.
അതോടൊപ്പം, ലളിത് മോദിയെയും മൈക്കൽ ക്ലാർക്കിനെയുംതിരെ കേസെടുക്കണമെന്ന് ആവശ്യപ്പെട്ടും അവർ രംഗത്തെത്തി.
മൈക്കൽ ക്ലാർക്കിന്റെ “ബിയോണ്ട് 23” പോഡ്കാസ്റ്റിലാണ് സംഭവം വീണ്ടും പുറത്തുവന്നത്. ഇതുവരെ ആരും കണ്ടിട്ടില്ലാത്ത ആ ദൃശ്യങ്ങൾ പുറത്തുവന്നതോടെ 2008-ലെ വിവാദം വീണ്ടും തുറന്ന് പിടിക്കപ്പെട്ടു.
വീഡിയോ പുറത്തിറങ്ങിയതിന് പിന്നാലെ ഭുവനേശ്വരി രൂക്ഷമായ വിമർശനമാണ് ഉന്നയിച്ചത്. “ചീപ് പബ്ലിസിറ്റിക്കായി പഴയ മുറിവുകൾ വലിച്ചിഴക്കുന്നത് ക്രൂരമാണ്.
ശ്രീശാന്തും ഹർഭജനും അത് മറന്ന് മുന്നോട്ട് പോയി. ഇന്ന് അവർ കുടുംബജീവിതത്തിൽ ശ്രദ്ധ കേന്ദ്രീകരിച്ചിരിക്കുകയാണ്.
എന്നാൽ, വീണ്ടും പഴയ സംഭവം പുറത്തെടുത്തത് മനുഷ്യത്വരഹിതമാണ്,” ഭുവനേശ്വരിയുടെ വാക്കുകൾ.
ഇതിന് മറുപടിയായി ലളിത് മോദി താൻ ഒന്നും തെറ്റായില്ലെന്ന് വ്യക്തമാക്കി. “എനിക്കെതിരെ എന്തിനാണ് അവർ ദേഷ്യം പിടിക്കുന്നത് എന്ന് എനിക്ക് മനസ്സിലാവുന്നില്ല.
എന്നോട് ചോദിച്ച ചോദ്യത്തിന് ഞാൻ സത്യം പറഞ്ഞു. ഞാൻ എപ്പോഴും സത്യം പറയുന്ന ആളാണ്. ശ്രീശാന്ത് ഇരയായിരുന്നു, അതാണ് ഞാൻ വ്യക്തമാക്കിയതും.
ഇതിന് മുൻപ് ആരും എന്നോട് ചോദിച്ചിട്ടില്ല. ക്ലാർക്ക് ചോദിച്ചതിനാലാണ് ഞാൻ പറഞ്ഞത്,” എന്നും അദ്ദേഹം ഐ.എ.എൻ.എസ്-ിനോട് പ്രതികരിച്ചു.
2008-ലെ ഐപിഎൽ പ്രഥമ സീസണിലാണ് ഹർഭജൻ സിങ് (മുംബൈ ഇന്ത്യൻസ്) ശ്രീശാന്തിന് (കിങ്സ് ഇലവൻ പഞ്ചാബ്) നേരെ കൈയ്യേറ്റം നടത്തിയത്. മത്സരം കഴിഞ്ഞതിന് പിന്നാലെയാണ് സംഭവം അരങ്ങേറിയത്.
ശ്രീശാന്തിന്റെ കണ്ണീരോടെ നിന്ന ദൃശ്യങ്ങൾ അന്ന് മാധ്യമങ്ങൾ വ്യാപകമായി പ്രചരിപ്പിച്ചിരുന്നു. സംഭവം വിവാദമായി മാറിയതോടെ ഹർഭജനെ ഐപിഎല്ലിലെ ശേഷിച്ച മത്സരങ്ങളിൽ നിന്ന് വിലക്കുകയും ചെയ്തു.
ക്രിക്കറ്റ് ലോകത്ത് വലിയ ചർച്ചകൾക്ക് വഴിവച്ച ആ സംഭവം വർഷങ്ങളോളം ആരാധകരും മാധ്യമങ്ങളും ഓർമ്മയിൽ സൂക്ഷിച്ചു.
എന്നാൽ, ഹർഭജന്റെയും ശ്രീശാന്തിന്റെയും ബന്ധം പിന്നീട് സാധാരണ നിലയിൽ എത്തിയിരുന്നു. ഇരുവരും പിന്നീട് വിവിധ പരിപാടികളിൽ സൗഹൃദം പങ്കിട്ടുകൊണ്ടുള്ള രംഗങ്ങൾ പോലും ആരാധകർ കണ്ടിരുന്നു.
എന്നിരുന്നാലും, 18 വർഷങ്ങൾക്കുശേഷം വീഡിയോ പുറത്തുവന്നതോടെ പഴയ സംഭവത്തിന്റെ ചർച്ചകൾ വീണ്ടും ആവർത്തിക്കപ്പെടുകയാണ്.
ഭുവനേശ്വരി പറഞ്ഞതുപോലെ, “ശ്രീശാന്തിനും ഹർഭജനുമിന്ന് സ്കൂളിൽ പോകുന്ന കുട്ടികളുടെ അച്ഛൻമാരാണ്. അവർ ജീവിതം മുന്നോട്ട് കൊണ്ടുപോകുകയാണ്.
പഴയ സംഭവങ്ങൾ വീണ്ടും പുറത്തെടുത്താൽ അത് കുടുംബങ്ങളെയും കുട്ടികളെയും മാത്രം വേദനിപ്പിക്കും.”
വീഡിയോ പുറത്ത് വന്നതോടെ ക്രിക്കറ്റ് പ്രേക്ഷകരിൽ കൗതുകവും അതോടൊപ്പം വിവാദങ്ങളും ഉയർന്നിരിക്കുകയാണ്.
ഒരിക്കൽ ഇന്ത്യൻ ക്രിക്കറ്റിന്റെ ഏറ്റവും വലിയ വിവാദങ്ങളിൽ ഒന്നായിരുന്ന സംഭവം വീണ്ടും വാർത്തകളിൽ നിറഞ്ഞപ്പോൾ, “കഴിഞ്ഞുപോയ കാര്യങ്ങൾ വീണ്ടും പുറത്തെടുക്കുന്നത് എത്രത്തോളം ശരി?” എന്ന ചോദ്യവും സാമൂഹികമാധ്യമങ്ങളിൽ ശക്തമായി ഉയരുന്നുണ്ട്.
English Summary :
Lalit Modi defends releasing Harbhajan Singh–Sreesanth slapgate video from 2008 IPL, says he only spoke the truth. Sreesanth’s wife lashes out, calls it inhuman and plans legal action.