പാലക്കാട്: തേങ്കുറിശ്ശി തെക്കേക്കരയിൽ ഇടിഞ്ഞു താഴ്ന്ന് തൊഴിലാളി മരിച്ചു. പ്രദേശവാസിയായ സുരേഷാണ് മരിച്ചത്. ഇന്ന് ഉച്ചയ്ക്കായിരുന്നു സംഭവം. കിണറിന് സമീപം നിൽക്കുകയായിരുന്ന സുരേഷ് കിണർ ഇടിഞ്ഞു താഴ്ന്നതോടൊപ്പം കിണറ്റിലേക്ക് വീഴുകയായിരുന്നു. ഉടൻ നാട്ടുകാരും ഫയർഫോഴ്സ് സേനയും ചേർന്ന് രക്ഷാപ്രവർത്തനം നടത്തിയെങ്കിലും മരണം സംഭവിച്ചിരുന്നു.
കിണറ്റിൽ വൻതോതിൽ മണ്ണടിഞ്ഞിരുന്നത് രക്ഷാപ്രവർത്തനം ദുഷ്കരമാക്കിയെന്ന് ഫയർഫോഴ്സ് പറഞ്ഞു. സുരേഷിന്റെ മൃതദേഹം പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കൾക്ക് വിട്ട് നൽകും.
