കെഎസ്ആര്ടിസി ഡ്രൈവര്മാര് മദ്യപിച്ച് വാഹനമോടിക്കുന്നുണ്ടോ എന്ന് കണ്ടെത്താനുള്ള ഗതാഗത വകുപ്പിന്റെ പരിശോധനയിൽ കുടുങ്ങി ഡ്രൈവര്മാര്. കഴിഞ്ഞ മൂന്നു ദിവസത്തിനിടെ പരിശോധനയില് പിടിയിലായത് 41 പേരാണ്. മദ്യപിച്ച് വാഹനം ഓടിക്കുന്ന ഡ്രൈവര്മാരുടെ എണ്ണം വര്ദ്ധിച്ചു വരുന്ന സാഹചര്യത്തിൽ ഗതാഗത വകുപ്പ് നടപടി കര്ശനമാക്കി. കെഎസ്ആര്ടിസി ബസുകള് ഇടിച്ചുള്ള അപകടങ്ങള് സോഷ്യല് മീഡിയയില് ഉള്പ്പെടെ വലിയ ചര്ച്ചയാണ്. പട്ടാപ്പകല് പോലും അമിതവേഗതിയിലാണ് പല ബസ്സുകളും ഓടിക്കൊണ്ടിരുന്നത്. ഇതിനു പിന്നാലെയാണ് ജോലിക്ക് കയറുന്നതിന് മുമ്പ് ഡ്രൈവര്മാക്ക് ബ്രീത്ത് അനലൈസര് ടെസ്റ്റ് ഇപ്പോൾ നിര്ബന്ധമാക്കിയത്.
കഴിഞ്ഞ മൂന്നു ദിവസത്തിനിടെ അനലൈസര് ടെസ്റ്റില് കുടുങ്ങിയത് 41 ഡ്രൈവര്മാരാണ്. ഇവരില് പലരുടെയും രക്തത്തില് 185ന് മുകളിലാണ് മദ്യത്തിന്റെ അളവ് കണ്ടെത്തി. പല ജില്ലകളിലും സ്കോഡ് വരുന്നതറിഞ്ഞു ഡ്രൈവര്മാര് മുങ്ങുന്ന സാഹചര്യവുമുണ്ടായി.ഇതോടെ ലക്ഷങ്ങളുടെ നഷ്ടമാണ് കോര്പ്പറേഷന് ഉണ്ടായത്. ഇത്തരത്തില് സര്വീസ് മുടങ്ങുന്ന സാഹചര്യം ഉണ്ടായാല് നഷ്ടം ജീവനക്കാരില് നിന്നിടാക്കാനാണ് ഗതാഗത മന്ത്രിയുടെ നിര്ദേശം. ബ്രീത്ത് അനലൈസര് ടെസ്റ്റ് നിര്ബന്ധമാക്കുന്നതോടെ ഡ്രൈവര്മാരുടെ മദ്യപാനം കുറയ്ക്കാനാകുമെന്നാണ് കോര്പ്പറേഷന്റെ വിലയിരുത്തല്. അതേ സമയം തീരുമാനത്തിനെതിരെ തൊഴിലാളി സംഘടനകള് മന്ത്രിയെ പ്രതിഷേധം അറിയിച്ചു.
Read also: ആലപ്പുഴ പള്ളാത്തുരുത്തി പാലത്തില് നിന്ന് യുവതിയും യുവാവും ആറ്റിലേക്ക് ചാടി; തിരച്ചിൽ തുടരുന്നു
