ഓസ്ട്രേലിയൻ പാർലമെന്റിൽ താരമായി കോഴിക്കോട് സ്വദേശി
ക്യാൻബറ: ഓസ്ട്രേലിയൻ ഫെഡറൽ തിരഞ്ഞെടുപ്പിൽ വിജയം നേടാൻ സഹായിച്ചവരെ പാർലമെന്റിൽ പ്രത്യേകമായി ആദരിച്ചപ്പോൾ, ലിബറൽ പാർട്ടി നേതാവും ട്വീഡ് ഹെഡ്‌സ് എംപിയുമായ ലിയാൻ റിബെല്ലോയുടെ വേദിയിൽ ശ്രദ്ധനേടിയത് മലയാളിയായ ജോൺസൺ ജോസഫ് ആയിരുന്നു.
ഗോൾഡ് കോസ്റ്റിലെ സാമൂഹിക പ്രവർത്തകനായ ജോൺസൺ ഓസ്ട്രേലിയൻ പ്രതിപക്ഷ നേതാവ് സൂസൻ ലേ ഉൾപ്പെടെ വിവിധ ദേശീയ നേതാക്കൾ പ്രശംസിച്ചു.
കോഴിക്കോട്ടെ മൈക്കാവിൽ കർഷക കുടുംബത്തിൽ ജനിച്ച ജോൺസൺ, എംജി സർവകലാശാലയിൽ യൂണിയൻ ചെയർമാനായും കൗൺസിലറായും പ്രവർത്തിച്ചിട്ടുണ്ട്.
പാർലമെന്റിൽ നിന്നുള്ള അംഗീകാരം തന്റെ വ്യക്തിജീവിതത്തിലെ വലിയ നേട്ടമാണ് എന്നും, ലിയാൻ റിബെല്ലോയുടെ ആദ്യ പ്രസംഗം തനിക്കെല്ലാം ഏറെ സമ്പർക്കം പുലർത്തുന്നതായിരുന്നെന്നും ജോൺസൺ പറഞ്ഞു.
പിതാവ് ഉലഹന്നാനും അമ്മ സൂസനും നൽകിയ ആത്മീയ പിന്തുണയും, ഭാര്യ ഷിജയുടെ വിശ്വാസവും, മക്കളായ ലിയോണൽ, ലെവെന്റ്, ലിൻഡൽ എന്നിവരുടെ സ്നേഹവും ഈ ജീവിതവിജയത്തിൽ നിർണായകമായിരുന്നെന്ന് ജോൺസൺ ജോസഫ് കൂട്ടിച്ചേർത്തു.
ഗൾഫ് രാജ്യങ്ങളിലെയും അയർലൻഡിലെയും ജോലിക്കുശേഷം 2011ൽ ഓസ്‌ട്രേലിയയിലെത്തിയ ജോൺസൺ ഇപ്പോൾ ഗോൾഡ് കോസ്റ്റിൽ സ്ഥിരതാമസക്കാരനാണ്. നഴ്സായ ജോൺസൺ സമൂഹസേവനത്തിലുമുള്ള പങ്കാളിത്തം കൊണ്ടും ശ്രദ്ധേയനാണ്.
