കൊച്ചിയെ വെല്ലുന്ന ആഘോഷം! കോട്ടയത്ത് 50 അടി ഉയരത്തിൽ കൂറ്റൻ പാപ്പാഞ്ഞി പുതുവർഷത്തെ വരവേൽക്കാൻ ഒരുങ്ങുന്നു;

കോട്ടയം: ആവേശം വാനോളമുയർത്തി പുതുവർഷത്തെ വരവേൽക്കാൻ അക്ഷരനഗരി ഒരുങ്ങിക്കഴിഞ്ഞു.

ഇത്തവണ കോട്ടയത്തെ തന്നെ ഏറ്റവും വലിയ പുതുവത്സര ആഘോഷത്തിന് സാക്ഷ്യം വഹിക്കാൻ ഒരുങ്ങുന്നത് വടവാതൂർ ആണ്.

ആഘോഷങ്ങളുടെ പ്രധാന ആകർഷണമായ 50 അടി ഉയരമുള്ള കൂറ്റൻ പാപ്പാഞ്ഞിയുടെ നിർമ്മാണം പൂർത്തിയായി കഴിഞ്ഞു.

തലയുയർത്തി 50 അടിയുടെ ഭീമൻ പാപ്പാഞ്ഞി

വടവാതൂർ മീനന്തറയാറിൻ്റെ വശ്യമനോഹരമായ തീരത്ത് ഏവരുടെയും കണ്ണഞ്ചിപ്പിക്കുന്ന കാഴ്ചയായി മാറുന്നത് 50 അടി ഉയരമുള്ള പാപ്പാഞ്ഞിയാണ്.

കോട്ടയം ജില്ലയിൽ തന്നെ ഇത്രയധികം ഉയരമുള്ള ഒരു പാപ്പാഞ്ഞിയെ ഒരുക്കുന്നത് ഇതാദ്യമായാണ്.

വെറും ആറേഴ് ദിവസങ്ങൾ കൊണ്ട് നാട്ടുകാരും വടവാതൂരിലെ ചെറുപ്പക്കാരും ചേർന്നാണ് ഈ അത്ഭുതം സൃഷ്ടിച്ചെടുത്തത്.

ഡിസംബർ 31 അർദ്ധരാത്രി 12 മണിയോടെ ഈ ഭീമൻ രൂപം അഗ്നിക്കിരയാക്കുന്നതോടെ വടവാതൂരിന്റെ ആകാശം വർണ്ണവിസ്മയങ്ങളാൽ നിറയും.

2018-ൽ തുടങ്ങിയ പാരമ്പര്യം; പതിനായിരക്കണക്കിന് ആളുകളെ വരവേൽക്കാൻ വടവാതൂർ കാർണിവൽ

പ്രാദേശികമായി തുടങ്ങിയ ഒരു ചെറിയ ആഘോഷം ഇന്ന് പതിനായിരക്കണക്കിന് ആളുകൾ ഒഴുകിയെത്തുന്ന വൻ നഗരോത്സവമായി മാറിയിരിക്കുകയാണ്.

2018 മുതലാണ് വടവാതൂരിൽ ഇത്തരത്തിൽ വിപുലമായ രീതിയിൽ പുതുവർഷാഘോഷങ്ങൾ സംഘടിപ്പിച്ചു തുടങ്ങിയത്.

പാപ്പാഞ്ഞിയെ കത്തിക്കുന്നതിന് പുറമെ, നാടൻ പാട്ടുകൾ, മെഗാ സ്റ്റേജ് ഷോകൾ, കുട്ടികളുടെ കലാപരിപാടികൾ,ആകാശ വർണ്ണ വിസ്മയങ്ങൾ എന്നിങ്ങനെ വൈവിധ്യമാർന്ന കലാവിരുന്നുകളാണ് ഇത്തവണയും കാത്തിരിക്കുന്നത്.

2026-നെ വരവേൽക്കാൻ എല്ലാ ഒരുക്കങ്ങളും പൂർത്തിയായതായി സംഘാടകർ അറിയിച്ചു.

ദീർഘദൂര യാത്രകളിൽ ഒരു ടെന്നീസ് ബോൾ കൂടെ കരുതണം എന്നു പറയുന്നത് എന്തുകൊണ്ടെന്നറിയാമോ ? ഇതാണ് കാരണം:

ഓക്സിജൻ ഡിജിറ്റൽ എക്സ്പെർട്ടിന്റെ സഹകരണത്തോടെ വമ്പൻ സമ്മാനപ്പെരുമഴ

ഇത്തവണത്തെ ആഘോഷങ്ങളുടെ മാറ്റുകൂട്ടുന്നത് മുഖ്യ സ്പോൺസറായ ഓക്സിജൻ ഡിജിറ്റൽ എക്സ്പെർട്ടിന്റെ (Oxygen Digital Expert) സാന്നിധ്യമാണ്.

പരിപാടിയിൽ പങ്കെടുക്കുന്നവർക്കായി നിരവധി സർപ്രൈസ് സമ്മാനങ്ങളാണ് ഓക്സിജൻ ഒരുക്കിയിരിക്കുന്നത്.

കൂപ്പൺ അടിസ്ഥാനത്തിൽ തിരഞ്ഞെടുക്കപ്പെടുന്ന ഭാഗ്യശാലികൾക്ക് വിലപിടിപ്പുള്ള ഇലക്ട്രോണിക് ഗാഡ്‌ജെറ്റുകളും മറ്റും സമ്മാനമായി ലഭിക്കും.

ക്വാളിറ്റി ഫർണിച്ചർ നൽകുന്ന 25000 രൂപയുടെ സമ്മാനവും പുതുവത്സര ആഘോഷത്തിലേക്ക് ജനങ്ങളെ ആകർഷിക്കുന്നു.

“നാടിന്റെ കൂട്ടായ്മയും സ്പോൺസർമാർ നൽകുന്ന വലിയ പിന്തുണയുമാണ് ഇത്രയും ഗംഭീരമായി ഈ പരിപാടി നടത്താൻ സഹായിക്കുന്നത്” മുൻ വിജയപുരം പഞ്ചായത്ത് പ്രസിഡൻ്റും നിലവിലെ വാർഡ് മെമ്പറും ആയ ശ്രീ സോമൻ കുട്ടി വ്യക്തമാക്കി.

മണർകാട് പോലീസും വോളണ്ടിയർമാരും കൈകോർക്കുന്ന സുരക്ഷാ വലയം

തിരഞ്ഞെടുപ്പിന് ശേഷമുള്ള ആദ്യ പുതുവർഷാഘോഷമായതിനാൽ ഇത്തവണ ജനപ്രതിനിധികളും നാട്ടുകാരും വലിയ ആവേശത്തിലാണ്.

വൻ ജനത്തിരക്ക് കണക്കിലെടുത്ത് സുരക്ഷാ കാര്യങ്ങളിൽ വിട്ടുവീഴ്ചയില്ലാത്ത ക്രമീകരണങ്ങളാണ് ഏർപ്പെടുത്തിയിരിക്കുന്നത്.

മണർകാട് പോലീസ് സ്റ്റേഷന്റെ പൂർണ്ണ പിന്തുണയോടെ നൂറിലധികം വോളണ്ടിയർമാർ ആഘോഷ നഗരിയിൽ സേവനമനുഷ്ഠിക്കും.

സ്ത്രീകളും കുട്ടികളും ഉൾപ്പെടെ എല്ലാവർക്കും സുരക്ഷിതമായി ആഘോഷങ്ങളിൽ പങ്കുചേരാനുള്ള സൗകര്യം ഉറപ്പാക്കിയിട്ടുണ്ട്.

English Summary

A heated dispute has emerged between the Thiruvananthapuram Corporation and KSRTC regarding the operation of Smart City electric buses. Mayor V.V. Rajesh insisted that the 113 e-buses, funded via the Smart City project for the city’s benefit, must operate strictly within corporation limits and ensure a profit share for the civic body.