കൊച്ചിയിലെ ഓയിൽ കമ്പനിയിൽ തീപിടിത്തം; ഒരാൾ മരിച്ചു, നിരവധി പേർക്ക് പരുക്ക്
കൊച്ചിയിലെ എടയാർ വ്യവസായ മേഖലയിൽ പ്രവർത്തിക്കുന്ന ഓയിൽ കമ്പനിയിൽ ഉണ്ടായ തീപിടിത്തത്തിൽ ഒരു തൊഴിലാളി മരിച്ചു. അപകടത്തിൽ നിരവധി പേർക്ക് പരുക്കേറ്റതായും റിപ്പോർട്ടുകൾ.
ഇന്ന് രാവിലെ ജോലിക്കിടെ ഉണ്ടായ അപകടമാണ് വലിയ ദുരന്തത്തിലേക്ക് വഴിമാറിയത്.
തൊഴിലാളികൾ ജോലി ചെയ്തുകൊണ്ടിരിക്കുമ്പോഴാണ് തീ പടർന്നത്. അപകടം ഉണ്ടായ ഉടൻ ജീവനക്കാരെ സ്ഥലത്ത് നിന്ന് ഒഴിപ്പിക്കാൻ ശ്രമിച്ചെങ്കിലും ഇതര സംസ്ഥാനക്കാരനായ ഒരാൾ ഉള്ളിൽ കുടുങ്ങി മരിച്ചതായാണ് വിവരം.
സംഭവസ്ഥലത്ത് ഫയർ ഫോഴ്സിന്റെ ആറു യൂണിറ്റുകൾ തീ അണയ്ക്കാനുള്ള ശ്രമം തുടരുകയാണ്. കൂടുതൽ യൂണിറ്റുകൾ എത്തിച്ചേരുന്നതിനാൽ രക്ഷാപ്രവർത്തനം ശക്തമാക്കിയിട്ടുണ്ട്. തീപിടിത്തത്തിന്റെ കാരണം ഇതുവരെ വ്യക്തമായിട്ടില്ല.
പരുക്കേറ്റ തൊഴിലാളികളെ സമീപത്തെ ആശുപത്രികളിലേക്ക് മാറ്റി. പ്രദേശത്ത് സുരക്ഷ ശക്തമാക്കിയിരിക്കുകയാണ്.
English Summary
A fire broke out at PG Lubricants, an oil company in the Edayar industrial area of Kochi, killing one worker and injuring several others. The incident occurred during working hours, and despite evacuation efforts, one migrant worker got trapped inside. Fire force units are continuing efforts to control the blaze, and the cause of the fire is yet to be determined.
