വടകരയിലെ യുഡിഎഫ് സ്ഥാനാർത്ഥിയായ ഷാഫി പറമ്പിലിനെതിരെ തെരഞ്ഞെടുപ്പ് കമ്മീഷനു പരാതി നൽകി എൽഡിഎഫ് സ്ഥാനാർത്ഥി കെ കെ ശൈലജ. സ്ഥാനാർത്ഥി യുടെ അറിവോടുകൂടി സമൂഹമാധ്യമങ്ങളിലൂടെ തനിക്കെതിരെ വ്യാജ പ്രചാരണം നടത്തുന്നു എന്നാണ് ശൈലിജയുടെ പരാതി. സംഭാഷണം എഡിറ്റ് ചെയ്ത ഫോട്ടോ മോർഫ് ചെയ്തും വ്യാജ പ്രചാരണം നടത്തുകയാണ്. തന്നെ തേജവധം ചെയ്യുകയാണ് ഉദ്ദേശം. എന്റെ വടകര KL 11 എന്ന ഇൻസ്റ്റഗ്രാം പേജിലൂടെയാണ് ചിത്രങ്ങളും വീഡിയോകളും പ്രചരിപ്പിക്കുന്നത്. കുടുംബ പേജുകളിലാണ് പ്രധാനമായും പ്രചാരണം നടക്കുന്നത്. മുൻപ് തിരഞ്ഞെടുപ്പുകളിൽ ഒരുപാട് മുതിർന്ന നേതാക്കൾക്കെതിരെ മത്സരിച്ചപ്പോൾ പോലും ഉണ്ടാവാത്ത സൈബർ ആക്രമണമാണ് ഇപ്പോൾ തനിക്കെതിരെ വരുന്നത്. എതിർ സ്ഥാനാർത്ഥി അറിയാതെയല്ല ഇത് എന്നത് വിശ്വസിക്കുന്നില്ല. ഇത്രയും വ്യക്തിഹത്യ നേരിടുന്നത് ജീവിതത്തിൽ ആദ്യമാണ്. ഇതിന് അവസാനമുണ്ടാവണം. ജനവും വിശ്വാസികളും ശരി കൃത്യമായി മനസ്സിലാക്കുമെന്നും ശൈലജ പറഞ്ഞു.
Read also;
