അടുത്ത അഞ്ച് ദിവസം മഴ; മുന്നറിയിപ്പുകൾ ഇങ്ങനെ
തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം മഴയ്ക്കുള്ള സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
ഡിസംബർ 3-നു തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിൽ മഞ്ഞ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ടയിടങ്ങളിൽ ശക്തമായ മഴ പെയ്യാനുള്ള സാധ്യതയാണുള്ളത്.
24 മണിക്കൂറിൽ 64.5 മുതൽ 115.5 മില്ലിമീറ്റർ വരെ ലഭിക്കുന്ന മഴയാണ് ശക്തമായ മഴയായി കണക്കാക്കുന്നത്.
ഡിസംബർ 2 മുതൽ 4 വരെ സംസ്ഥാനത്ത് ചിലയിടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
ജാഗ്രതാ നിർദേശങ്ങൾ
ഇടിമിന്നൽ മനുഷ്യരുടെയും മൃഗങ്ങളുടെയും ജീവനും, വൈദ്യുത-ആശയവിനിമയ സംവിധാനങ്ങൾക്കും, ചാലകവസ്തുക്കളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം വിതയ്ക്കാൻ സാധ്യതയുണ്ട്.
അതിനാൽ പൊതുജനങ്ങൾ കാർമേഘം കണ്ട് തുടങ്ങുന്ന സമയം മുതൽതന്നെ മുൻകരുതലുകൾ സ്വീകരിക്കേണ്ടതാണ്.
ഇടിമിന്നലിന്റെ ലക്ഷണം കണ്ടാൽ ഉടൻ സുരക്ഷിതമായ കെട്ടിടത്തിനുള്ളിലേക്ക് മാറുക.
ശക്തമായ കാറ്റിനും ഇടിമിന്നലിനും സാധ്യതയുള്ളപ്പോൾ വാതിലും ജനലും അടച്ചു വയ്ക്കുക.
കെട്ടിടത്തിനകത്ത് നിൽക്കുമ്പോൾ ഭിത്തിയോ നിലയോ സ്പർശിക്കുന്നത് പരമാവധി ഒഴിവാക്കുക.
ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കുക; വൈദ്യുതോപകരണങ്ങളോട് ചേർന്ന് നിൽക്കരുത്.
സാധാരണ ടെലഫോൺ ഒഴിവാക്കണം; മൊബൈൽ ഫോൺ ഉപയോഗിക്കുന്നത് സുരക്ഷിതമാണ്.
മേഘാവൃതമായിരിക്കുന്നപ്പോൾ തുറസായ സ്ഥാനങ്ങളിലോ ടെറസിലോ കളിക്കരുത്.
വൃക്ഷങ്ങളുടെ ചുവട്ടിൽ നിൽക്കരുത്; വാഹനങ്ങൾ മരച്ചുവട്ടിൽ പാർക്ക് ചെയ്യരുത്.
ഇടിമിന്നലുള്ള സമയത്ത് വാഹനത്തിനകത്ത് തുടരുക; കൈകാലുകൾ പുറത്തിടരുത്.
സൈക്കിൾ, ബൈക്ക്, ട്രാക്ടർ എന്നിവയിലുള്ള യാത്ര ഒഴിവാക്കണം.
മഴക്കാറ് കണ്ടാലും ഇടിമിന്നലുള്ള സമയത്ത് ടെറസിലേക്കോ മുറ്റത്തേക്കോ പോകരുത്.
കാറ്റിൽ മറിയാൻ സാധ്യതയുള്ള വസ്തുക്കൾ ഉറപ്പിച്ചു കെട്ടിവെയ്ക്കുക.
ഇടിമിന്നലുള്ള സമയത്ത് കുളിക്കരുത്; ടാപ്പ് വഴി വെള്ളം ശേഖരിക്കുന്നതും ഒഴിവാക്കണം.
ജലാശയങ്ങളിൽ ഇറങ്ങി മീൻപിടിത്തമോ കുളിക്കലോ നടത്തരുത്; ബോട്ടിംഗ് ഉടൻ നിർത്തി കരയിലേക്കെത്തണം.
ബോട്ടിന്റെ ഡെക്കിൽ നിൽക്കരുത്; വല എറിയലും ചൂണ്ടയിടലും ഒഴിവാക്കണം.
പട്ടം പറത്തുന്നതും നിരോധിക്കണം.
English Summary
The India Meteorological Department (IMD) has forecast rain in Kerala for the next five days. A yellow alert has been declared for Thiruvananthapuram, Kollam, Pathanamthitta and Idukki districts on December 3, indicating the possibility of isolated heavy rainfall (64.5 mm to 115.5 mm in 24 hours). Thunderstorms with lightning are likely in isolated places from December 2 to 4. Authorities have issued detailed safety guidelines, advising the public to seek shelter indoors, disconnect electrical appliances, avoid open areas, refrain from using landline phones, and halt outdoor and water-related activities during lightning.
Kerala-rain-yellow-alert-IMD
Kerala, IMD, Rainfall, Weather Alert, Yellow Alert, Thunderstorm, Lightning Safety, Kerala News
