തിങ്ങി നിറഞ്ഞ് ജയിലുകൾ
കോഴിക്കോട്: സംസ്ഥാനത്തെ ജയിലുകൾ കുറ്റകൃത്യങ്ങളും തടവുകാരുടെ എണ്ണവും വർധിച്ചിട്ടും അടിസ്ഥാന സൗകര്യങ്ങളിലും നടത്തിപ്പിലും മാറ്റമില്ലാതെ തിങ്ങിനിറഞ്ഞ നിലയിലാണ്.
സെൻട്രൽ ജയിലുകളിൽ പാർപ്പിക്കാനുള്ള ശേഷിയേക്കാൾ ഇരട്ടിയോളം തടവുകാർ കഴിയുന്നതായി വിവരങ്ങളിലൂടെ വ്യക്തമാകുന്നു.
സ്ഥലക്കുറവിനെ തുടർന്ന് റിമാൻഡ് തടവുകാരെ ശിക്ഷാ തടവുകാരിൽ നിന്ന് വേർതിരിച്ച് പാർപ്പിക്കാനാകാത്ത സാഹചര്യം തുടർന്നു വരുന്നു.
തടവുകാരുടെ അനുപാതത്തിൽ ജീവനക്കാരുടെ നിയമനം വർധിപ്പിക്കാത്തതും പ്രവർത്തനത്തെ പ്രതികൂലമായി ബാധിക്കുന്നു.
സംസ്ഥാനത്തെ 57 ജയിലുകളിലും സമാനമായ അവസ്ഥയാണെന്നാണ് ഉദ്യോഗസ്ഥർ ചൂണ്ടിക്കാണിക്കുന്നത്.
ലഹരി കേസുകളിലും മറ്റ് കുറ്റങ്ങളിലുമാണ് പതിവായി യുവാക്കളും വിദ്യാർത്ഥികളും റിമാൻഡിൽ എത്തുന്നത്.
ഇവരെ പരിഷ്കാരപരമായ അന്തരീക്ഷത്തിൽ പാർപ്പിക്കേണ്ടതുണ്ടെങ്കിലും മറ്റു തടവുകാർക്കൊപ്പം താമസിപ്പിക്കപ്പെടുന്നത് മനഃപരിവർത്തന സാധ്യതകൾ കുറയ്ക്കുന്നു.
ഗുണ്ടാ ആക്ടിൽ പെട്ടവരെ സെൻട്രൽ ജയിലുകളിൽ പാർപ്പിക്കാൻ തുടങ്ങിയതോടെ തടവുകാരിൽ സംഘർഷവും ജീവനക്കാരിൽ മാനസിക സമ്മർദ്ദവും വർധിച്ചു.
റിമാൻഡ്, ഗുണ്ട, വിചാരണ തടവുകാർ എന്നിവർക്കായി വലിയ പരിധിയിൽ സമയം ചെലവഴിക്കേണ്ടി വരുന്നതോടെ യുവാക്കളെയും ആദ്യമായി ജയിലിലെത്തുന്നവരെയും സ്ത്രീകളെയും ശ്രദ്ധിക്കാനാകാത്ത സാഹചര്യം ജീവനക്കാർ നിരീക്ഷിക്കുന്നു.
കർശനമായ ജാമ്യവ്യവസ്ഥ മൂലം ലഹരി കേസുകളിലെ റിമാൻഡ് തടവുകാർ ഒരുവർഷത്തിലധികം ജയിലിൽ തുടരേണ്ടി വരുന്നു.
കുറ്റകൃത്യങ്ങളുടെ സ്വഭാവവും രൂപവും മാറിയിട്ടും ജയിൽ നടത്തിപ്പിലും നിയമങ്ങളിലും ഡ്യൂട്ടി ക്രമങ്ങളിലും മാറ്റം വരാത്തതും പ്രതിസന്ധി രൂക്ഷമാക്കുന്നു.
ലഹരിക്ക് ഇരയായവരും മാനസിക രോഗികളുമുൾപ്പെടെ പ്രത്യേക പരിചരണം ആവശ്യമായവരെ വേർതിരിച്ച് പാർപ്പിക്കണമെന്ന ശുപാർശകൾ നടപ്പാക്കാൻ കഴിയാത്തതും പ്രശ്നമാണ്.
ഇപ്പോൾ ജയിലുകൾ തിരുത്തൽ കേന്ദ്രങ്ങളായും ഭക്ഷ്യ നിർമ്മാണ യൂണിറ്റുകൾ ഉൾപ്പെടെയുള്ള സംരംഭങ്ങൾ നടത്തുന്ന സ്ഥാപനങ്ങളായും പ്രവർത്തിക്കുന്നതിനാൽ ജീവനക്കാരുടെ ജോലിഭാരം കൂടുന്നുണ്ട്.
സെൻട്രൽ ജയിലുകളുടെ സ്ഥിതി (ശേഷി – നിലവിലുള്ളത്):
പൂജപ്പുര: 727 – 1600
വിയ്യൂർ: 553 – 1150
കണ്ണൂർ: 948 – 1100
തവനൂർ: 568 – 650
ജീവനക്കാരുടെ സ്ഥിതി (നിലവിലുള്ളത് – അധികം വേണ്ടത്):
പൂജപ്പുര: 271 – 615
വിയ്യൂർ: 160 – 515
കണ്ണൂർ: 242 – 441
തവനൂർ: 148 – 425
English Summary
Kerala’s central prisons remain severely overcrowded despite rising crime rates and changing criminal patterns. Most jails house nearly twice their sanctioned capacity, making it impossible to separate remand prisoners from convicted inmates. Staffing has not increased proportionately, leading to operational strain.
Students and youth arrested in drug-related cases are lodged with hardened criminals, reducing chances of rehabilitation. The influx of detainees under the Goonda Act has increased internal clashes and stress among prison personnel.
Due to stricter bail conditions, many remand prisoners in narcotics cases remain behind bars for over a year. Recommendations to create separate facilities for mentally ill, drug-dependent, and infectious prisoners remain unimplemented.
All major central prisons — Poojappura, Viyyur, Kannur, and Tavanur — are functioning far beyond capacity, while each needs hundreds of additional staff.
