കേരള പോലീസിൽ ഇടിയൻമാർക്ക് സമ്പൂർണ്ണ സംരക്ഷണം
തിരുവനന്തപുരം: പോലീസിന്റെ അതിക്രൂര മർദ്ദനങ്ങൾക്ക് ഇരയായവരുടെ പരാതികൾ മലവെള്ള പാച്ചിൽ പോലെ വന്നിട്ടും ഇടിയൻമാരായ ഉദ്യോഗസ്ഥർക്കെതിരെ നടപടി എടുക്കാതെ സർക്കാരും ആഭ്യന്തര വകുപ്പും.
പത്തനംതിട്ടയിലെ എസ്എഫ്ഐ നേതാവിനെ മർദ്ദിച്ച മധു ബാബുവിനെതിരെ എസ്പിയുടെ റിപ്പോർട്ടുണ്ടായിട്ടും നടപടി ഇല്ലെന്ന രേഖകൾ പുറത്തുവന്നു.
മധു ബാബുവിനെതിരായ റിപ്പോർട്ട്
പത്തനംതിട്ട മുൻ എസ്എഫ്ഐ ജില്ലാ പ്രസിഡന്റ് ജയകൃഷ്ണൻ തണ്ണിത്തോടിനെ കസ്റ്റഡിയിൽ മർദിച്ച സംഭവത്തിൽ കോന്നി സിഐയായിരുന്ന മധുബാബുവിനെതിരെ നൽകിയ അന്വേഷണ റിപ്പോർട്ടാണ് പുറത്തുവന്നത്.
2016-ൽ ജില്ലാ എസ്പിയായിരുന്ന ഹരിശങ്കർ സമർപ്പിച്ച അന്വേഷണ റിപ്പോർട്ടിൽ പറയുന്നത്…
#പത്തനംതിട്ടയിലെ മുൻ എസ്എഫ്ഐ ജില്ലാ പ്രസിഡന്റ് ജയകൃഷ്ണൻ തണ്ണിത്തോട് 2012-ൽ കസ്റ്റഡിയിൽ ക്രൂരമായി മർദ്ദിക്കപ്പെട്ടിരുന്നു.
#കോന്നി സി.ഐ.യായിരുന്ന മധു ബാബുയാണ് മർദ്ദനത്തിന് പിന്നിലെന്ന് ആരോപണം.
#മധു ബാബു സ്ഥിരമായി കസ്റ്റഡി മർദ്ദനങ്ങളിൽ ഏർപ്പെടുന്നവൻ
#ക്രമസമാധാന ചുമതലയിൽ വയ്ക്കരുത് എന്ന് ശുപാർശ
2016ൽ ജില്ലാ എസ്പിയായിരുന്ന ഹരിശങ്കറാണ് റിപ്പോർട്ട് നൽകിയത്. സ്ഥിരമായി കസ്റ്റഡി മർദ്ദനം നടത്തുവെന്നായിരുന്നു റിപ്പോർട്ട്. കൂടാതെ ക്രമസമാധന ചുമതലയിൽ വയ്ക്കരുതെന്നും റിപ്പോർട്ടിൽ ശുപാർശ ചെയ്തിട്ടുണ്ട്.
എന്നാൽ ഒൻപത് വർഷം കഴിഞ്ഞ പിണറായി സർക്കാർ ഈ റിപ്പോർട്ടിൽ ഒരു നടപടിയും സ്വീകരിച്ചില്ല.
ഇരയായ ജയകൃഷ്ണന്റെ വെളിപ്പെടുത്തൽ
2012ലെ യുഡിഎഫ് സർക്കാരിന്റെ കാലത്ത് നടന്ന കസ്റ്റഡി മർദനം വിവരിച്ച് മുൻ എസ്എഫ്ഐ നേതാവായിരുന്ന ജയകൃഷ്ണൻ തണ്ണിത്തോട് രംഗത്ത് എത്തിയിരുന്നു.
ജയകൃഷ്ണൻ തണ്ണിത്തോട് സോഷ്യൽ മീഡിയ പോസ്റ്റിലൂടെ അനുഭവങ്ങൾ വെളിപ്പെടുത്തി:
#കാലിലെ വെള്ള അടിച്ചു പൊട്ടിച്ചു
#കണ്ണിലും ശരീരത്തിലും മുളക് സ്പ്രേ
#ചെവിയുടെ ഡയഫ്രം പൊട്ടിച്ചു
കാലിന്റെ വെള്ള അടിച്ചു പൊട്ടിച്ചു, കണ്ണിലും ശരീരത്തിലും മുളക് സ്പ്രേ ചെയ്തു, ചെവിയുടെ ഡയഫ്രം അടിച്ചുപൊളിച്ചു എന്നും ഫേസ്ബുക്ക് പോസ്റ്റിൽ ജയകൃഷ്ണൻ എഴുതിയിട്ടുണ്ട്.
മധു ബാബുവിനെതിരെ അച്ചടക്ക നടപടി ശുപാർശ ചെയ്തെങ്കിലും ഇതുവരെ നടപ്പാക്കിയില്ലെന്നും ജയകൃഷ്ണൻ ആരോപിച്ചിരുന്നു.
സ്ഥാനക്കയറ്റം ലഭിച്ചത് എങ്ങനെ?
ഹരിശങ്കറിന്റെ അന്വേഷണ റിപ്പോർട്ട് അഡ്മിനിസ്ട്രേറ്റീവ് ട്രൈബ്യൂണൽ വഴി തള്ളി. അതിന്റെ ബലത്തിൽ മധു ബാബുവിന് സ്ഥാനക്കയറ്റം ലഭിച്ചു. ഇപ്പോൾ ആലപ്പുഴ ഡിവൈഎസ്പി.പോലീസ് ഓഫീസ് അസോസിയേഷൻ സംസ്ഥാന ട്രഷറർ സ്ഥാനവും വഹിക്കുന്നു
ഈ സംഘടനാ സ്വാധീനം കൊണ്ടാണ് നടപടികൾ ഒഴിവാക്കപ്പെട്ടതെന്ന് വിമർശകർ ആരോപിക്കുന്നു.
അഡ്മിനിസ്ട്രറ്റീവ് ട്രൈബ്യൂണലിനെ സമീപിച്ച് നേടിയ അനുകുല ഉത്തരവിന്റെ ബലത്തിൽ എസ്പി ഹരിശങ്കറിന്റെ റിപ്പോർട്ട് തള്ളി മധു ബാബുവിന് സ്ഥാനക്കയറ്റം നൽകുകയാണ് സർക്കാർ ചെയ്തത്.
സംസ്ഥാന പോലീസിൽ ഒട്ടേറെ തവണ ക്രിമിനൽ സംഭവങ്ങളിൽ ആരോപണ വിധേയനായ ആളാണ് മധു ബാബു. നിലവിൽ ഇയാൾ ആലപ്പുഴ ഡിവൈഎസ്പിയാണ്.
പോലീസ് ഓഫീസ് അസോസിയേഷൻ സംസ്ഥാന ട്രഷററാണ് മധു. ഈ സ്വാധീനമാണ് നടപടി ഒഴിവാക്കാനുള്ള കാരണം എന്നാണ് ആരോപണം.
ഈ ഉദ്യോഗസ്ഥനെ ഒരു മാസം തടവിനും 1000 പിഴയടയ്ക്കാനും ചേർത്തല ജുഡീഷ്യൻ മജിസ്ട്രേറ്റ് കോടതി ശിക്ഷിച്ചത് കഴിഞ്ഞ വർഷം ആയിരുന്നു.
കോടതിയുടെ ശിക്ഷയും സർക്കാർ നിലപാടും
കഴിഞ്ഞ വർഷം ചേർത്തല ജുഡീഷ്യൽ മജിസ്ട്രേറ്റ് കോടതി മധു ബാബുവിനെ ഒരു മാസം തടവ് 1000 രൂപ പിഴ വിധിച്ചു. എങ്കിലും, സർക്കാരോ ആഭ്യന്തര വകുപ്പോ അധികൃത നടപടികളൊന്നും സ്വീകരിച്ചിട്ടില്ല.
നിരന്തരം ഉയരുന്ന ആരോപണങ്ങൾ
മധു ബാബു പോലീസിൽ നിരവധി തവണ ക്രിമിനൽ സംഭവങ്ങളിൽ ആരോപണ വിധേയനായി. പൊതുജനങ്ങളുടെ പരാതികൾ, മനുഷ്യാവകാശ സംഘടനകളുടെ ഇടപെടലുകൾ, മാധ്യമങ്ങളിൽ തെളിവുകളോടെയുള്ള റിപ്പോർട്ടുകൾ, എന്നിട്ടും, അദ്ദേഹത്തെ സംരക്ഷിക്കുന്നത് രാഷ്ട്രീയ-ഭരണകൂട ബന്ധങ്ങളുടെ ഫലമെന്ന് വിമർശനം.
രാഷ്ട്രീയവും ഭരണ സംവിധാനവും
വിമർശകർ ചോദിക്കുന്നത്:
#പോലീസ് അതിക്രമങ്ങളെക്കുറിച്ചുള്ള സർക്കാരിന്റെ ‘സീറോ ടോളറൻസ്’ വാദം വെറും വാചകമാണോ?
#റിപ്പോർട്ടുകളുള്ളതിനും കോടതിയുടെ ശിക്ഷയ്ക്കും ശേഷവും എന്തുകൊണ്ട് നടപടി ഇല്ല?
ജനവിശ്വാസം നഷ്ടപ്പെടുന്നില്ലേ?
പോലീസ് ഉദ്യോഗസ്ഥരുടെ അതിക്രമത്തിൻ്റെ ഇരകളുടെ വേദന വർഷങ്ങളായി പുറത്തുവരുന്നു. എന്നാൽ, നടപടി ഇല്ലാതെ മേഖലയിലെ ശിക്ഷാ രഹിതാവസ്ഥ തുടരുകയാണ്. മധു ബാബു കേസിൽ സർക്കാരിന്റെ മൗനം, നീതിയുടെയും ജനാധിപത്യത്തിന്റെയും പരാജയമായി വിലയിരുത്തപ്പെടുന്നു.
ENGLISH SUMMARY:
Despite repeated complaints of custodial torture, Kerala police officer Madhu Babu continues to escape disciplinary action. Reports reveal political and administrative protection even after official findings and a court sentence.
