രോഗികളെ നിലത്ത് കിടത്തി ചികിത്സ? ആരോഗ്യ മേഖലയിലെ പ്രാകൃത അവസ്ഥയെ ചൂണ്ടിക്കാട്ടി ഡോ. ഹാരിസ് ചിറക്കൽ

തിരുവനന്തപുരം:മെഡിക്കൽ കോളേജ് ആശുപത്രിയിലെ അടിസ്ഥാന സൗകര്യങ്ങളുടെ അഭാവം വീണ്ടും വിവാദമാവുന്നു.

കൊല്ലം സ്വദേശിയായ വേണു ചികിത്സക്കായി എത്തിയപ്പോൾ നിലത്ത് കിടത്തി ചികിത്സ നൽകിയ സംഭവത്തെ തുടർന്ന്, മെഡിക്കൽ കോളജ് യൂറോളജി വിഭാഗം മേധാവി ഡോ. ഹാരിസ് ചിറക്കൽ കർശന വിമർശനവുമായി രംഗത്തെത്തി.

രോഗിയെ നിലത്ത് കിടത്തി ചികിത്സിക്കുന്ന ദൃശ്യങ്ങൾ കണ്ടപ്പോൾ അതീവ അത്ഭുതവും വേദനയും തോന്നിയെന്ന് ഡോ. ഹാരിസ് പറഞ്ഞു.

മെഡിക്കൽ കോളജുകളുടെ എണ്ണം കൂടുന്നത് കൊണ്ട് മാത്രം ഗുണമേന്മയില്ല

“നാടാകെ മെഡിക്കൽ കോളജുകൾ തുറന്നിട്ടുണ്ടെന്ന് പറയുന്നത് കൊണ്ടെന്തു കാര്യം? രോഗികൾക്ക് ലഭിക്കുന്ന പരിചരണ നിലവാരം പ്രാകൃതമാകുന്നു.

എങ്ങനെയാണ് ശ്വാസംമുട്ടി, കാൻസർ ബാധിച്ച് വേദനിക്കുന്ന ഒരാളെ നിലത്ത് കിടത്തി ചികിത്സിക്കാനാകുന്നത്?” – എന്ന് അദ്ദേഹം ചോദിച്ചു.

തിരുവനന്തപുരം മെഡിക്കൽ സർവീസ് സെന്റർ സംഘടിപ്പിച്ച സെമിനാറിൽ സംസാരിക്കുകയായിരുന്നു ഡോ. ഹാരിസ്.

കൊല്ലം പല്ലനയിൽ നിന്നുള്ള വേണുവിന് അവിടെയുള്ള മെഡിക്കൽ കോളജുകളും കരുനാഗപ്പള്ളി ജില്ലാ ആശുപത്രിയും മറികടന്ന് തിരുവനന്തപുരം വരേണ്ടിവന്നത് നമ്മുടെ ആരോഗ്യ മേഖലയിലെ ഗുരുതരമായ പോരായ്മകളെ വെളിപ്പെടുത്തുന്നുവെന്നു ഡോ. ഹാരിസ് ചൂണ്ടിക്കാട്ടി.

“1986-ൽ ഇത്തരം ദൃശ്യങ്ങൾ ഉണ്ടായിരുന്നില്ല” – പഴയ അനുഭവം പങ്കുവെച്ചു

“1986-ൽ ഞാൻ തിരുവനന്തപുരം മെഡിക്കൽ കോളജിൽ എംബിബിഎസ് പഠിക്കുമ്പോൾ ഇത്രയധികം രോഗികളെ നിലത്ത് കിടത്തി ചികിത്സിക്കുന്ന അവസ്ഥ ഉണ്ടായിരുന്നില്ല.

ഇത്രയും വർഷങ്ങൾ കഴിഞ്ഞാലും നിലവാരം പിന്നോട്ടാണ് പോകുന്നത്. ആധുനിക സൂപ്പർ സ്‌പെഷ്യാലിറ്റി കേയർ സെന്ററുകളുടെ സൗകര്യം ഒരുക്കുന്നതിലാണ് സർക്കാർ ശ്രദ്ധ കേന്ദ്രീകരിക്കേണ്ടത്” – അദ്ദേഹം അഭിപ്രായപ്പെട്ടു.

ബെംഗളൂരുവിൽ യാത്രക്കാരിയോട് റാപ്പിഡോ ഡ്രൈവറിന്റെ അതിക്രമം; ‘കാലുകളിലും തുടകളിലും പലതവണ സ്പർശിച്ചു, നിർത്താൻ ആവശ്യപ്പെട്ടിട്ടും തയ്യാറായില്ല

വാർഡുകളുടെ ശോചനീയാവസ്ഥ: മാനുഷികത പോലും ഇല്ലെന്ന് വിമർശനം

ഓ.പി., വാർഡുകൾ, അടിയന്തര വിഭാഗങ്ങൾ എല്ലാം മനുഷ്യാവകാശം പോലും പരിഗണിക്കാത്ത രീതിയിൽ തിരക്കാകുന്ന സാഹചര്യം പരിഹരിക്കാതെ പുതിയ ബോർഡുകളും കെട്ടിടങ്ങളും മാത്രം ഉയർത്താനുള്ള സമീപനം തെറ്റാണെന്നും അദ്ദേഹം വിമർശിച്ചു.

മുൻപ് കുറച്ച് കാര്യങ്ങൾ ചൂണ്ടിക്കാട്ടിയപ്പോൾ തന്നെ എനിക്ക് ചില പ്രശ്നങ്ങൾ നേരിട്ടിട്ടുണ്ട്.

എന്നാൽ അന്ന് സമൂഹം ഒപ്പം നിന്നു. ഞാൻ തെറ്റ് ചൂണ്ടിക്കാണിച്ചതല്ല, കുറവ് ശ്രദ്ധയിൽപ്പെടുത്തിയതുമാത്രമാണ്” – ഡോ. ഹാരിസ് പറഞ്ഞു.

English Summary

Dr. Harris Chirakkal, Head of Urology at Thiruvananthapuram Medical College, strongly criticized the poor treatment conditions after a Kollam native, Venu, was treated lying on the floor at the medical college. He stated that despite having many medical colleges, basic patient care remains “primitive.