തദ്ദേശസ്വയംഭരണ തിരഞ്ഞെടുപ്പ്; ഡ്രൈ ഡേ ഉത്തരവിറങ്ങി
തിരുവനന്തപുരം: തദ്ദേശസ്വയംഭരണ തിരഞ്ഞെടുപ്പ് അടുത്തെത്തുന്നതിനൊപ്പം സംസ്ഥാനത്ത് രാഷ്ട്രീയ ചൂട് കൂടിക്കൊണ്ടിരിക്കെ ഡ്രൈ ഡേ ഉത്തരവ് പുറത്ത് വന്നു. തിരഞ്ഞെടുപ്പ് രണ്ട് ഘട്ടങ്ങളിലായാണ് നടക്കുന്നത്.
തിരുവനന്തപുരം മുതൽ എറണാകുളം വരെയുള്ള ഏഴ് തെക്കൻ ജില്ലകളിൽ വോട്ടെടുപ്പ് ഡിസംബർ 9-ന് നടക്കും. തൃശൂർ മുതൽ കാസർഗോഡ് വരെയുള്ള വടക്കൻ ജില്ലകളിൽ ഡിസംബർ 11-ന് വോട്ടെടുപ്പ് നടക്കും. വോട്ടെണ്ണൽ ഡിസംബർ 13-നാണ്.
ഡ്രൈ ഡേ പ്രഖ്യാപന പ്രകാരം തെക്കൻ ജില്ലകളിൽ ഡിസംബർ 7-ന് വൈകിട്ട് ആറുമുതൽ ഡിസംബർ 9-ന് വൈകിട്ട് ആറുവരെയും വടക്കൻ ജില്ലകളിൽ
ഡിസംബർ 9-ന് വൈകിട്ട് ആറുമുതൽ ഡിസംബർ 11-ന് വൈകിട്ട് ആറുവരെയും മദ്യം വിൽപന, വിതരണം, ഉപയോഗം എന്നിവ നിരോധിച്ചിരിക്കും. കൂടാതെ വോട്ടെണ്ണൽ ദിനമായ ഡിസംബർ 13-നും സംസ്ഥാനത്ത് ഡ്രൈ ഡേ ആയിരിക്കും.
അതേസമയം, കാലാവധി പൂർത്തിയായിട്ടില്ലാത്ത മട്ടന്നൂർ നഗരസഭ ഒഴികെയുള്ള 1199 തദ്ദേശ സ്ഥാപനങ്ങളിലാണ് വോട്ടെടുപ്പ് നടക്കുന്നത്.
വാർഡ് വിഭജനത്തിന് ശേഷം സംസ്ഥാനത്ത് ആകെ 23,612 വാർഡുകളുണ്ടായി. മുമ്പ് 21,900 വാർഡുകളായിരുന്നു. മട്ടന്നൂരിലെ 36 വാർഡുകൾ ഒഴിവാക്കി 23,576 വാർഡുകളിലേക്കാണ് തെരഞ്ഞെടുപ്പ് നടക്കുന്നത്.
English Summary
Kerala has announced dry days in connection with the upcoming local body elections, which will be conducted in two phases. Seven southern districts—from Thiruvananthapuram to Ernakulam—will vote on December 9, while the remaining northern districts—from Thrissur to Kasaragod—will vote on December 11. Vote counting will take place on December 13.
Dry day restrictions will apply in southern districts from 6 PM on December 7 to 6 PM on December 9, and in northern districts from 6 PM on December 9 to 6 PM on December 11. December 13, the counting day, will also be a dry day across the state.
Elections will be held in 1199 local bodies, excluding Mattannur where the term has not ended. After the latest ward delimitation, Kerala has 23,612 wards, of which 23,576 will go to polls this time.
kerala-local-body-elections-dry-day-schedule-2025
kerala elections, dry day, local body polls, election 2025, Kerala news, political updates, liquor ban Kerala
