സ്ത്രീധനം നൽകാം, ചോദിച്ച് വാങ്ങരുത്…കേരള നിയമ പരിഷ്കരണ കമ്മിഷൻ ശുപാർശ
കൊച്ചി: സ്ത്രീധനം നൽകുന്നത് തന്നെ കുറ്റകരമാക്കുന്ന വ്യവസ്ഥ സ്ത്രീധന നിരോധന നിയമത്തിൽ നിന്ന് ഒഴിവാക്കണമെന്ന് കേരള നിയമ പരിഷ്കരണ കമ്മിഷൻ ശുപാർശ ചെയ്തതായി സംസ്ഥാന സർക്കാർ ഹൈക്കോടതിയെ അറിയിച്ചു.
സ്ത്രീധനത്തെ ‘സ്വത്ത്’ അല്ലെങ്കിൽ ‘സെക്യൂരിറ്റി’ എന്ന നിലയിലാണ് പരിഗണിക്കേണ്ടതെന്നും കമ്മിഷൻ അഭിപ്രായപ്പെട്ടിട്ടുണ്ട്.
എന്നാൽ വരനോ വരന്റെ കുടുംബമോ സ്ത്രീധനം ആവശ്യപ്പെടുന്നത് കർശനമായി കുറ്റകരമാക്കണമെന്നും ശുപാർശയിൽ വ്യക്തമാക്കുന്നു.
സ്ത്രീധനം നൽകുന്നതിനെ കുറ്റമായി കണക്കാക്കുന്ന നിയമത്തിലെ മൂന്നാം വകുപ്പ് റദ്ദാക്കണമെന്ന് ആവശ്യപ്പെട്ട് എറണാകുളം സ്വദേശിനി ടെൽമി ജോളി സമർപ്പിച്ച ഹർജിയിലാണ് സർക്കാർ ഈ നിലപാട് കോടതിയെ അറിയിച്ചത്.
ഹർജി പരിഗണിച്ച ചീഫ് ജസ്റ്റിസ് സൗമെൻ സെൻ, ജസ്റ്റിസ് വി.എം. ശ്യാംകുമാർ എന്നിവരടങ്ങിയ ഡിവിഷൻ ബെഞ്ച്, വിഷയത്തിൽ കേന്ദ്ര സർക്കാരിന് നിലപാട് അറിയിക്കാൻ ഫെബ്രുവരി 11നകം സത്യവാങ്മൂലം സമർപ്പിക്കാൻ നിർദ്ദേശിച്ചു.
English Summary
The Kerala government informed the High Court that the Kerala Law Reforms Commission has recommended removing the provision that criminalizes giving dowry from the Dowry Prohibition Act. The commission suggested treating dowry as property or security, while continuing to criminalize any demand for dowry by the groom or his family. The submission was made in response to a petition seeking the repeal of Section 3 of the Act. The High Court has directed the Central Government to file an affidavit on the matter by February 11.
kerala-law-reforms-commission-recommends-changes-to-dowry-prohibition-act
Kerala, Dowry Prohibition Act, Dowry Law Reform, Kerala High Court, Law Reforms Commission, Women Rights, Legal Reform
