തിരുവനന്തപുരം: സംസ്ഥാനത്തെ സർക്കാർ ആശുപത്രികളുടെ പ്രവർത്തനം കൂടുതൽ കാര്യക്ഷമമാക്കുക
എന്ന ലക്ഷ്യത്തോടെ ഡോക്ടർമാരുടെ ജോലി സമയത്തിലും ഉത്തരവാദിത്തങ്ങളിലും വൻ അഴിച്ചുപണി നടത്തി ആരോഗ്യവകുപ്പ് ഉത്തരവിറക്കി.
സാധാരണക്കാർക്ക് കൂടുതൽ സമയം ചികിത്സാ സഹായം ലഭ്യമാക്കുക എന്ന ലക്ഷ്യത്തോടെയാണ് ഈ മാറ്റം.
സ്പെഷ്യലിസ്റ്റ് ഡോക്ടർമാരുടെ ഒപി സമയം വർധിപ്പിച്ചു; ഉച്ചയ്ക്ക് 2 മണി വരെ സേവനം ഉറപ്പാക്കും
പുതിയ ഉത്തരവ് പ്രകാരം സ്പെഷ്യലിസ്റ്റ് ഡോക്ടർമാരുടെ ഒപി (OP) സമയത്തിൽ ഒരു മണിക്കൂറിന്റെ വർധനവാണ് വരുത്തിയിരിക്കുന്നത്.
നേരത്തെ ഉച്ചയ്ക്ക് 1 മണി വരെയായിരുന്ന ഒപി സമയം ഇനി മുതൽ രാവിലെ 8 മണി മുതൽ 2 മണി വരെ ആയിരിക്കും.
സ്പെഷ്യാലിറ്റി വിഭാഗങ്ങളിൽ ചികിത്സ തേടിയെത്തുന്ന രോഗികളുടെ തിരക്ക് കണക്കിലെടുത്താണ് ഈ തീരുമാനം.
അതേസമയം, അഡ്മിനിസ്ട്രേറ്റീവ് കേഡറിലുള്ള ഉദ്യോഗസ്ഥരുടെ ജോലി സമയത്തിൽ മാറ്റം വരുത്തിയിട്ടില്ല.
മെഡിക്കൽ ഓഫീസർമാർക്ക് പുതിയ നിബന്ധന; താമസസൗകര്യം ഇനി ആശുപത്രിയുടെ എട്ട് കിലോമീറ്റർ ചുറ്റളവിൽ
ആശുപത്രിയിലെ അടിയന്തര സാഹചര്യങ്ങൾ കൈകാര്യം ചെയ്യുന്നതിനായി മെഡിക്കൽ ഓഫീസർമാർ ഡ്യൂട്ടി ദിവസങ്ങളിൽ ആശുപത്രിയുടെ 8 കിലോമീറ്റർ പരിധിക്കുള്ളിൽ തന്നെ താമസിക്കണമെന്ന് ഉത്തരവിൽ വ്യക്തമാക്കുന്നു.
ഇവർക്ക് യാത്രയ്ക്കായി ആശുപത്രി വാഹനങ്ങൾ വിട്ടുനൽകും.
സൂപ്രണ്ട്, ആർഎംഒ (RMO), കാഷ്വാലിറ്റി മെഡിക്കൽ ഓഫീസർമാർ, അസിസ്റ്റന്റ് സർജൻ, ചീഫ് കൺസൾട്ടന്റ്
തുടങ്ങിയ വിവിധ തസ്തികയിലുള്ളവരുടെ ഉത്തരവാദിത്തങ്ങൾ പുനർനിർണ്ണയിച്ചും ഉത്തരവിൽ നിർദ്ദേശങ്ങളുണ്ട്.
ട്രെയിനിൽ സ്വന്തം കുഞ്ഞിനെ യാത്രക്കാരനെ ഏൽപ്പിച്ച് മുങ്ങിയ യുവതി പിടിയിൽ
‘കുറുക്കുവഴികൾ അംഗീകരിക്കില്ല’; സർക്കാരിനെതിരെ പ്രതിഷേധവുമായി ഡോക്ടർമാരുടെ സംഘടനകൾ രംഗത്ത്
സർക്കാരിന്റെ ഈ പരിഷ്കരണ നടപടിക്കെതിരെ ഡോക്ടർമാരുടെ സംഘടനകൾ ശക്തമായ പ്രതിഷേധവുമായി രംഗത്തെത്തിക്കഴിഞ്ഞു.
ഡോക്ടർമാരുടെ കുറവ് പരിഹരിക്കാൻ പുതിയ നിയമനങ്ങൾ നടത്തുന്നതിന് പകരം,
നിലവിലുള്ളവരുടെ ജോലി സമയം വർധിപ്പിക്കുന്നത് അംഗീകരിക്കാനാവില്ലെന്ന് കെജിഎംഓഎ (KGMOA) വ്യക്തമാക്കി.
സർക്കാരിന്റേത് കേവലം കുറുക്കുവഴിയാണെന്നും, ഡോക്ടർമാരുടെ മാനസിക സമ്മർദ്ദം വർധിപ്പിക്കുന്ന
ഈ ഉത്തരവ് പിൻവലിക്കണമെന്നും കേരള ഗവൺമെന്റ് സ്പെഷ്യലിസ്റ്റ് ഡോക്ടേഴ്സ് അസോസിയേഷനും ആവശ്യപ്പെട്ടു.
വരും ദിവസങ്ങളിൽ ഈ വിഷയത്തിൽ ശക്തമായ പ്രതിഷേധ പരിപാടികൾ ഉണ്ടായേക്കുമെന്നാണ് സൂചന.
English Summary
In a significant move to streamline healthcare services, the Kerala Health Department has issued an order revising the duty hours and responsibilities of government doctors. The Outpatient (OP) timings for specialist doctors have been extended from 1 PM to 2 PM. Furthermore, medical officers are now mandated to reside within an 8 km radius of their respective hospitals during duty days, with government transportation provided. While the government aims for better efficiency, doctor unions like KGMOA have slammed the decision, calling it a “shortcut” to address staff shortages and demanding the immediate withdrawal of the order.
