36 ഡിഗ്രി ചൂടിലും വോട്ട് തേടി സ്ഥാനാർത്ഥികൾ;രാവിലെ തന്നെ പ്രചാരം തീർക്കാൻ ഓട്ടപ്പാച്ചിൽ… ഉച്ചയോടെ ‘ബ്രേക്ക്’!
തിരുവനന്തപുരം: കനത്ത ചൂടിനിടെ തിരഞ്ഞെടുപ്പ് പ്രചാരണം കടുത്ത വെല്ലുവിളിയായി മാറിയിരിക്കുകയാണ്. രാവിലെ പത്ത് മണിക്ക് മുമ്പായി പരമാവധി വോട്ടർമാരെ കണ്ടുമുട്ടി വോട്ട് അഭ്യർത്ഥിക്കാനാണ് സ്ഥാനാർത്ഥികളുടെ ശ്രമം.
ഉച്ചയോടെ ചൂട് കനക്കുന്നതോടെ പ്രചാരണം ഏറെ ബുദ്ധിമുട്ടാകുന്നു. ശരാശരി 36 ഡിഗ്രി വരെ ഉയർന്ന താപനിലയിൽ വിയർപ്പിൽ കുളിച്ചാണ് സ്ഥാനാർത്ഥികൾ വീടുകൾ കയറി ഇറങ്ങി വോട്ട് തേടുന്നത്.
വോട്ടർമാരിൽ നിന്ന് വിവിധ പരാതികളും നേരിടേണ്ടിവരുന്നു. റോഡുകളുടെ അവസ്ഥ, കുടിവെള്ള പ്രശ്നം, എം.എൽ.എ ഫണ്ടിന്റെ ഉപയോഗം എന്നിവയെക്കുറിച്ചുള്ള ചോദ്യങ്ങൾക്കൊപ്പം സമീപ മണ്ഡലങ്ങളിലെ വികസന പ്രവർത്തനങ്ങൾ ഉദാഹരണമാക്കി ചോദ്യം ചെയ്യലുകളും ഉണ്ടാകുന്നു.
രാവിലെ പതിനൊന്നോടെ റോഡ് ഷോ ഉൾപ്പെടെയുള്ള പ്രചാരണങ്ങൾക്ക് ഇടവേള നൽകുകയും വൈകിട്ട് മൂന്ന് കഴിഞ്ഞ് മാത്രമാണ് വീണ്ടും പ്രവർത്തനം സജീവമാകുന്നത്. ഇടയ്ക്കിടെ വെള്ളം കുടിക്കുകയും തണ്ണിമത്തൻ പോലുള്ള ഫലങ്ങൾ ഉപയോഗിച്ച് ദാഹശമനം നടത്തുകയും ചെയ്യുന്നത് സ്ഥാനാർത്ഥികളുടെ പതിവായി മാറിയിട്ടുണ്ട്.
ഇതിനിടെ എൽ.പി.ജി സിലിണ്ടർ ക്ഷാമം മൂലം പല ചായക്കടകളും അടഞ്ഞുകിടക്കുന്നത് പ്രചാരണത്തിനിടയിലെ വിശ്രമം പോലും ബുദ്ധിമുട്ടാക്കുന്നു.
കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകുന്നതനുസരിച്ച് കൊല്ലം, പത്തനംതിട്ട, കോട്ടയം, പാലക്കാട് ജില്ലകളിൽ 37 ഡിഗ്രിവരെ ചൂട് ഉയരാൻ സാധ്യതയുണ്ട്. ആലപ്പുഴ, എറണാകുളം, തൃശ്ശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ 36 ഡിഗ്രിവരെ എത്തും. ഏപ്രിൽ മാസത്തിൽ താപനില 40 ഡിഗ്രി കടക്കാനും സാധ്യതയുണ്ടെന്നാണ് വിലയിരുത്തൽ.
English Summary
Election campaigning in Kerala is becoming increasingly difficult due to rising temperatures. Candidates are trying to meet voters before 10 AM as the heat reaches around 36°C during the day.
Campaign activities are paused by late morning and resumed in the evening. Voters are raising concerns about local issues, while candidates struggle with heat, dehydration, and even lack of basic facilities like tea shops due to LPG shortages.
The India Meteorological Department has warned that temperatures may rise up to 40°C in April.
kerala-election-campaign-heat-temperature-april
Kerala Election, Heat Wave, Temperature Rise, Campaign News, Kerala Weather, IMD, Summer Heat, Election Campaign
