തിരുവനന്തപുരം: ഇവിടെ മാത്രമല്ല അങ്ങ് ലണ്ടനിലുമുണ്ട് കേരള ബസ്. കേരളത്തിന്റെ അതിമനോഹരമായ ദൃശ്യങ്ങൾ കൊണ്ട് അലങ്കരിച്ച ഡബിൾ ഡെക്കർ ബസ് സൂപ്പർ ഹിറ്റാണ്. ലണ്ടൻ റോഡുകളിൽ തലങ്ങും വിലങ്ങും ഓടുന്ന ബസിൻ്റെ വീഡിയോ സോഷ്യൽ മീഡിയയിൽ വൈറലാണ്. ആലപ്പുഴയിലെ കായലിന്റെയും തോണിയുടെയും മറ്റും ചിത്രങ്ങൾ കാണാം. ‘God’s Own Country’ (ദെെവത്തിന്റെ സ്വന്തം നാട്) എന്നും ബസിൽ എഴുതിയിട്ടുണ്ട്. ബസിൽ കേരള ടൂറിസത്തിന്റെ ലോഗോയും കാണാം. ഒരു വശത്തായി ‘#TravelForGood’ എന്ന ഹാഷ് ടാഗും എഴുതിയിട്ടുണ്ട്.
കേരളത്തിലെ ടൂറിസത്തെ പ്രോത്സാഹിപ്പിക്കുന്നതിന് പുതിയ പദ്ധതിയുമായി ടൂറിസം വകുപ്പ് ലണ്ടനിൽ ബസ് ഇറക്കിയിരിക്കുന്നത്. കേരളത്തിലേക്ക് കൂടുതൽ വിദേശികളെ ആകർഷിക്കാനാണ് പദ്ധതി തയ്യാറാക്കിയത്.
സോഷ്യൽ മീഡിയകളിൽ ബസിന്റെ ചിത്രങ്ങളും വീഡിയോകളും വെെറലാകുന്നുണ്ട്.
സോഷ്യൽ മീഡിയകളിൽ ബസിന്റെ ചിത്രങ്ങളും വീഡിയോകളും വെെറലാകുന്നുണ്ട്.
വീഡിയോയിൽ കേരളത്തിലെ വീഡിയോ വെെറലായതിന് പിന്നാലെ കേരള ടൂറിസം വകുപ്പിനെ പ്രശംസിച്ച് നിരവധി പേർ രംഗത്തെത്തിയിട്ടുണ്ട്. ആലപ്പുഴ മുഴുവൻ വാഹനത്തിലുണ്ടെന്നായിരുന്നു വേറൊരാളുടെ കമന്റ്. വീഡിയോ പെട്ടെന്ന് തന്നെ വെെറലായി. ഏകദേശം നാല് ദശലക്ഷത്തിലധികം പേരാണ് വീഡിയോ കണ്ടത്. കേരള ടൂറിസം വകുപ്പ് മന്ത്രി പി എ മുഹമ്മദ് റിയാസും ലണ്ടനിലെ ബസുകളുടെ വീഡിയോ തന്റെ ഫേസ്ബുക്ക് പേജിൽ പങ്കുവച്ചിട്ടുണ്ട്.
