നിയമസഭാ സമ്മേളനം വെട്ടിച്ചുരുക്കി. ജൂലൈ 11 ന് സമ്മേളനം അവസാനിക്കും. കാര്യോപദേശക സമിതി യോഗത്തിലാണ് സമ്മേളനം വെട്ടിച്ചുരുക്കുന്നത് സംബന്ധിച്ച് തീരുമാനം എടുത്തത്. നേരത്തെ ജൂലൈ 25 വരെ സഭ സമ്മേളിക്കാനായിരുന്നു തീരുമാനം. ( Kerala Assembly session will end on July 11)
ധനാഭ്യര്ത്ഥനകളും ബില്ലുകളും ജൂലൈ 11 ന് മുൻപ് അവതരിപ്പിക്കാനാവുന്ന സാഹചര്യത്തിലാണ് ഇന്ന് ചേര്ന്ന കാര്യോപദേശക സമിതി യോഗം സമ്മേളനം വെട്ടിച്ചുരുക്കാന് തീരുമാനിച്ചത്. ജൂൺ 10 നാണ് നിയമസഭാ സമ്മേളനം ആരംഭിച്ചത്.
ലോക കേരള സഭ നടക്കുന്നതിനോടനുബന്ധിച്ച് നിയമസഭ ഈ മാസം 13 മുതല് 15 വരെ നിര്ത്തി വച്ചിരുന്നു. എന്നാല് കുവൈറ്റ് തീപിടുത്തത്തില് മലയാളികള് മരണപ്പെട്ടതോടെ ലോക കേരള സഭ ഒന്നര ദിവസമായി ചുരുക്കിയിരുന്നു.
