എ ഐ ക്യാമറ വഴി കണ്ടെത്തുന്ന മോട്ടോർവാഹന നിയമലംഘനത്തിന് പിഴക്ക് നോട്ടീസയക്കുന്നത് നിർത്തി കെൽട്രോൺ. പണം ആവശ്യപ്പെട്ട് പലതവണ കത്തയച്ചിട്ടും സർക്കാർ തിരിഞ്ഞു നോക്കാത്ത സാഹചര്യത്തിലണ് തീരുമാനം. തപാൽ നോട്ടീസിന് പകരം ഇ-ചെല്ലാൻ മാത്രമാണ് ഇപ്പോള് അയക്കുന്നത്. നിയമലംഘനം കണ്ടെത്തി മോട്ടോർ വാഹനവകുപ്പ് ഉദ്യോഗസ്ഥർ അംഗീകരിച്ചാൽ മൊബൈലേക്ക് ഇ-ചെല്ലാൻ മാത്രം അയക്കും. പക്ഷെ മെസ്സേജ് മാത്രം വന്നാൽ ആരും പിഴ അടക്കില്ല എന്നതാണ് അവസ്ഥ, പിഴ അടയക്കാത്തവർക്കതിരെ കർശമായ നടപടികള് തുടർന്നുണ്ടാകുമെന്ന മോട്ടോർ വാഹനവകുപ്പിന്റെ പ്രഖ്യാപനവും ഒന്നുമായില്ല. 339 കോടിയുടെ നിയമലംഘനങ്ങളാണ് ഇതേവരെ കണ്ടെത്തിയത്. എന്നാൽ നോട്ടീയച്ചിട്ടും നിയമലംഘകർ അടച്ചത് 62. 5 കോടി മാത്രമാണ്.
ജൂൺ അഞ്ചിന് പിഴയീടാക്കാൻ തുടങ്ങിയപ്പോള് പ്രതിമാസം ഒന്നര ലക്ഷമായിരുന്നു നിയമലംഘനങ്ങള് . ഇപ്പോഴത് നാലര – അഞ്ചു ലക്ഷംവരെയായി. പ്രതി വർഷം 25 ലക്ഷം നോട്ടീയക്കുമെന്നായിരുന്നു കെൽട്രോണിന്റെ കരാർ.
ഏപ്രിൽ ആയപ്പോഴേക്കും 25 ലക്ഷം കഴിഞ്ഞു. ഇനി നോട്ടീയക്കണമെങ്കിൽ നോട്ടീസ് ഒന്നിന് 20 രൂപ വേണമെന്നാവശ്യപ്പെട്ട് കെൽട്രോൺ സർക്കാരിന് കത്ത് നൽകി. സർക്കാർ ഇതേവരെ മറുപടി നൽകിയില്ല. പേപ്പർ വാങ്ങാൻ പോലും പണമില്ലെന്ന് ഗതാഗത കമ്മീഷണറെ അറിയിച്ച് കെൽട്രോണ് നോട്ടീസയപ്പ് നിർത്തി. അഴിമതി ആരോപണത്തിൽ കുരുങ്ങിയ ക്യാമറ പദ്ധതി 10 മാസം പിന്നിടുമ്പോഴും പ്രതിസന്ധിയിൽ തന്നെയാണ്.
