സിനിമയെ വെല്ലുന്ന കൊലപാതകം! ലിവ്-ഇൻ പങ്കാളിയെ കൊന്ന കേസിൽ നടി ബിന്ദു അറസ്റ്റിൽ
ബെംഗളൂരു: ലിവ്–ഇൻ പങ്കാളിയെ കൊലപ്പെടുത്തിയ കേസിൽ കന്നഡ നടി ബിന്ദു ഉൾപ്പെടെ മൂന്ന് പേരെ പൊലീസ് അറസ്റ്റ് ചെയ്തു. ബിന്ദുവിന്റെ കാമുകൻ വിനയ്, സുഹൃത്ത് ധനുഷ് എന്നിവരാണ് അറസ്റ്റിലായ മറ്റുള്ളവർ.
ബിന്ദുവിന്റെ ലിവ്–ഇൻ പങ്കാളിയായിരുന്ന മോഹൻ റാവുവിന്റെ കൊലപാതകവുമായി ബന്ധപ്പെട്ടാണ് നടപടി.
ഫെബ്രുവരി 19-നാണ് മോഹൻ റാവു കൊല്ലപ്പെട്ടതെന്നാണ് പൊലീസ് പറയുന്നത്. വിനയ് കത്തികൊണ്ട് ആക്രമിച്ചതിന് പിന്നാലെ, മൂവരും ചേർന്ന് ശ്വാസംമുട്ടിച്ച് കൊലപ്പെടുത്തിയതായാണ് അന്വേഷണ വിവരം.
ഫെബ്രുവരി 28-ന് മഞ്ജുനാഥ നഗറിലെ വാടകവീട്ടിൽ അഴുകിയ നിലയിലാണ് മൃതദേഹം കണ്ടെത്തിയത്.
‘ഭജ്റംഗി’, ‘പോലീസ് ക്വാർട്ടേഴ്സ്’, ‘കാലഭൈരവ’ തുടങ്ങിയ കന്നഡ ചിത്രങ്ങളിൽ ബിന്ദു അഭിനയിച്ചിട്ടുണ്ട്. വിനയുമായി വിവാഹം കഴിക്കാൻ ബിന്ദു ആഗ്രഹിച്ചിരുന്നുവെന്നും അതിന് മോഹൻ റാവു എതിർത്തതാകാമെന്നാണു പൊലീസിന്റെ പ്രാഥമിക നിഗമനം.
കൂടുതൽ അന്വേഷണം പുരോഗമിക്കുകയാണ്.
English Summary
Kannada actress Bindu, along with her boyfriend Vinay and associate Dhanush, has been arrested in connection with the murder of her live-in partner Mohan Rao in Bengaluru. Police allege that Vinay stabbed the victim and the trio later suffocated him. The body was found in a rented house on February 28. Investigation is ongoing.
