നല്ല ചൂട് ചോറിനൊപ്പം മൊരിഞ്ഞ കക്കാ ഇറച്ചി കൂട്ടി കഴിച്ചാല്‍ പിന്നെ പാത്രം കാലിയാകുന്നത് മാത്രം നോക്കിയാല്‍ മതി. നാടന്‍ രീതിയില്‍ വളരെ പെട്ടെന്ന് തന്നെ തയാറാക്കാന്‍ പറ്റുന്ന കക്കാ ഫ്രൈ ഒന്ന് പരീക്ഷിച്ചുനോക്കിയാലോ?

ആവശ്യമുള്ള സാധനങ്ങള്‍

1. കക്കാഇറച്ചി-അരക്കിലോ

2. മഞ്ഞള്‍പ്പൊടി-ഒരു ടീസ്പൂണ്‍

ഉപ്പ്-പാകത്തിന്

3. വെളിച്ചെണ്ണ-മൂന്ന് ടേബിള്‍ സ്പൂണ്‍

4. കടുക്-രണ്ട് ടീസ്പൂണ്‍

5. വറ്റല്‍മുളക്-മൂന്ന്

6. പെരുംജീരകം-ഒരുടീസ്പൂണ്‍

7. തേങ്ങാക്കൊത്ത്-അരക്കപ്പ്

8. വെളുത്തുള്ളി-രണ്ടുടേബിള്‍സ്പൂണ്‍, ചെറുതായി അരിഞ്ഞത്

ഇഞ്ചി-രണ്ട് ടേബിള്‍ സ്പൂണ്‍, ചെറുതായി അരിഞ്ഞത്

പച്ചമുളക്-രണ്ട് ടേബിള്‍ സ്പൂണ്‍, ചെറുതായി അരിഞ്ഞത്

9. സവാള- മൂന്ന്, നീളത്തില്‍ അരിഞ്ഞത്

10. മുളകുപൊടി-രണ്ട് ചെറിയ സ്പൂണ്‍

മീറ്റ് മസാല-ഒരു ടീസ്പൂണ്‍

ഗരംമസാലപ്പൊടി-ഒരുടീസ്പൂണ്‍

11. കറിവേപ്പില-ഒരുപിടി

12. കുരുമുളകുപൊടി-പാകത്തിന്

പാകം ചെയ്യുന്ന വിധം

• കക്കാഇറച്ചി രണ്ടാമത്തെ ചേരുവ ചേര്‍ത്ത് യോജിപ്പിച്ച് വേവിച്ച് വയ്ക്കുക

• പാനില്‍ എണ്ണ ചൂടാക്കി കടുക് പൊട്ടിച്ച് വറ്റല്‍മുളക് വറുക്കുക

• ഇതിലേക്ക് പെരുംജീരകം ചേര്‍ത്ത് മൂത്തുവരുമ്പോള്‍ തേങ്ങാക്കൊത്ത് ചേര്‍ത്ത് വഴറ്റുക

• എട്ടാമത്തെ ചേരുവ ചേര്‍ത്ത് പച്ചമണം മാറുമ്പോള്‍ സവാള ചേര്‍ത്ത് വഴറ്റുക

• ഇതിലേക്ക് പത്താമത്തെ ചേരുവ ചേര്‍ത്ത് വഴറ്റി വേവിച്ചു വച്ചിരിക്കുന്ന കക്കാഇറച്ചി ചേര്‍ത്ത് നന്നായി ഉലര്‍ത്തുക.

• കറിവേപ്പിലയും കുരുമുളകുപൊടിയും ചേര്‍ത്ത് വിളമ്പാം

Also Read: ഒരു കിടിലൻ ചീര തോരൻ വെച്ചാലോ