സെന്സര് കടമ്പ നീളുന്നു; ‘ജനനായകന്’ റിപ്പബ്ലിക് ദിനത്തിലേക്കോ?
തമിഴ് സിനിമാലോകം ഈ വര്ഷം ഏറ്റവും പ്രതീക്ഷയോടെ കാത്തിരുന്ന ചിത്രമായിരുന്നു ‘ജനനായകൻ’.
കോളിവുഡിലെ ഏറ്റവും വലിയ ക്രൗഡ് പുള്ളറായ വിജയിയുടെ കരിയറിലെ അവസാന ചിത്രം എന്ന പ്രത്യേകതയാണ് സിനിമയെ അതീവ ഹൈപ്പിലേക്കെത്തിച്ചത്.
എന്നാല് സെന്സര് പ്രശ്നങ്ങളെ തുടര്ന്ന് ചിത്രം റിലീസ് ചെയ്യാനാകാതെ നീളുകയാണ്.
സസ്പെൻസ് കൂട്ടി ജീത്തു ജോസഫ്; വലതുവശത്തെ കള്ളൻ ട്രെയിലർ പുറത്ത്
സുപ്രീംകോടതിയില് നിന്നും തിരിച്ചടി
സെന്സര് സര്ട്ടിഫിക്കറ്റ് ലഭ്യമാക്കാന് ഇടപെടല് തേടി നിര്മ്മാതാക്കളായ കെവിഎന് പ്രൊഡക്ഷന്സ് സമര്പ്പിച്ച ഹര്ജി സുപ്രീം കോടതി തള്ളി.
നിലവില് വിഷയം മദ്രാസ് ഹൈക്കോടതിയുടെ പരിഗണനയിലാണെന്നും അവിടെ ഡിവിഷന് ബെഞ്ച് തീരുമാനമെടുക്കട്ടെയെന്നുമാണ് സുപ്രീം കോടതിയുടെ നിര്ദേശം.
വീണ്ടും മദ്രാസ് ഹൈക്കോടതിയിലേക്ക്
ജസ്റ്റിസുമാരായ ദിപാങ്കര് ദത്ത, അഗസ്റ്റിന് ജോർജ് മസീഹ് എന്നിവരടങ്ങിയ ബെഞ്ച്, ജനുവരി 20-നകം ഹര്ജി പരിഗണിക്കണമെന്ന് മദ്രാസ് ഹൈക്കോടതിക്ക് നിർദേശം നൽകിയിട്ടുണ്ട്.
അന്നേദിവസം നിര്മ്മാതാക്കള്ക്ക് അനുകൂലമായ വിധി വന്നാല് ചിത്രം റിലീസ് ചെയ്യാനുള്ള പുതിയ വിന്ഡോ തുറക്കും.
റിപ്പബ്ലിക് ദിന റിലീസ് സാധ്യത
പ്രശ്നങ്ങള് വേഗത്തില് പരിഹരിക്കാനായാല് ജനുവരി 26-ന് (റിപ്പബ്ലിക് ദിനം) ചിത്രം തിയറ്ററുകളിലെത്തിക്കാനാണ് നിര്മ്മാതാക്കളുടെ ആലോചനയെന്ന് സാക്നില്ക് റിപ്പോര്ട്ട് ചെയ്യുന്നു.
റിപ്പബ്ലിക് ദിനം ഇന്ത്യന് സിനിമയില് പ്രധാന റിലീസ് വിന്ഡോയാണെങ്കിലും, ഇത്തവണ അത് തിങ്കളാഴ്ചയായതിനാല് അതേദിവസമോ അതിന് പിന്നാലെയുള്ള വാരാന്ത്യമോ തിരഞ്ഞെടുക്കുമോ എന്നത് 20-ന് ശേഷം വ്യക്തമാകും.
നഷ്ടമായ റെക്കോര്ഡ് പ്രീ-സെയില്സ്
ജനുവരി 9-ന് റിലീസ് ചെയ്യുമെന്ന് നേരത്തെ പ്രഖ്യാപിച്ചിരുന്ന ചിത്രത്തിന് അഡ്വാന്സ് ബുക്കിംഗില് വന് പ്രതികരണമായിരുന്നു.
- വിദേശ മാര്ക്കറ്റുകളില് മാത്രം ആദ്യ ദിനത്തിന് 40 കോടി
- ആദ്യ വാരാന്ത്യത്തിന് 60 കോടി
- ആഗോള പ്രീ-സെയില്സിലൂടെ 100 കോടി ക്ലബ്ബ്
എന്നാല് റിലീസ് മാറ്റിയതോടെ ഈ നേട്ടങ്ങള് എല്ലാം നിലച്ചുപോയി.
English Summary:
Vijay’s much-awaited final film Jananayakan continues to face release uncertainty after the Supreme Court rejected the producers’ plea over censor issues. If the Madras High Court delivers a favourable verdict by January 20, the makers are considering a Republic Day release on January 26.
