കോട്ടയം: കാർ നന്നാക്കുന്നതിനിടെ ജാക്കി തെന്നിമാറി തലയിലേക്ക് കാർ വീണ് യുവാവ് മരിച്ചു. കാഞ്ഞിരപ്പള്ളി പട്ടിമറ്റം സ്വദേശിയായ മുഹമ്മദ് ഫിറോസ് ആണ് മരിച്ചത്. അപകടത്തിൽ പരിക്കേറ്റ് ചികിത്സയിലിരിക്കെയാണ് മരണം സംഭവിച്ചത്.
കഴിഞ്ഞ വ്യാഴാഴ്ച്ച വൈകുന്നേരം ആണ് ദാരുണ സംഭവം നടന്നത്. ഫിറോസ് ജോലി ചെയ്തിരുന്ന വർക്ക് ഷോപ്പിൽ ജോലി ചെയ്യുന്നതിനിടെ ജാക്കി തെന്നി കാർ ഫിറോസിന്റെ തലയിലേക്ക് വീഴുകയായിരുന്നു. അപകടത്തിൽ തലക്ക് ഗുരുതരമായി പരിക്കേറ്റ ഫിറോസ് പാലായിലെ സ്വകാര്യ ആശുപത്രിയിൽ ചികിത്സയിലായിരുന്നു.
