ബെംഗളൂരു: ഇന്ത്യയുടെ സ്പേസ് ഡോക്കിങ് ദൗത്യമായ സ്പേഡെക്സിന്റെ വിക്ഷേപണം വിജയകരം. ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്നാണ് വിക്ഷേപണം നടന്നത്. ദൗത്യം വിജയിച്ചാല് ബഹിരാകാശ ഡോക്കിങ് സാങ്കേതികവിദ്യയുള്ള നാലാമത്തെ രാജ്യമെന്ന നേട്ടം ഇന്ത്യ കൈവരിക്കും. (ISRO SpaDex successfully launched for key space docking experiment)
നിലവിൽ റഷ്യ, അമേരിക്ക, ചൈന എന്നീ മൂന്ന് രാജ്യങ്ങള്ക്ക് മാത്രമാണ് ബഹിരാകാശ ഡോക്കിങ് സാങ്കേതികവിദ്യയുള്ളത്. ആദ്യ മൂന്ന് ഘട്ടങ്ങള് വിജയകരമായ പശ്ചാത്തലത്തില് ഡോക്കിംഗ് ജനുവരി 7ന് നടന്നേക്കും. ബഹിരാകാശത്ത് ചുറ്റിത്തിരിയുന്ന 2 പേടകങ്ങള് കൂട്ടിച്ചേര്ക്കുന്നതാണ്
സ്പേഡെക്സ് ദൗത്യം.
സ്പേസ് ഡോക്കിങ് എക്സ്പെരിമെന്റ് എന്നതിന്റെ ചുരുക്കപ്പേരാണ് സ്പേഡെക്സ്. ചേസര് (എസ്ഡിഎക്സ് 01), ടാര്ഗറ്റ് (എസ്ഡിഎക്സ് 02) എന്നി ഉപഗ്രഹങ്ങളെയും വഹിച്ചാണ് പിഎസ്എല്വി-സി 60 റോക്കറ്റ് ചരിത്രത്തിലേക്ക് കുതിച്ചത്.
