ഇസ്രയേൽ – ഹമാസ് പോരാട്ടത്തിലാദ്യമായി വെടിനിറുത്തൽ പ്രഖ്യാപിച്ച് ഇസ്രയേൽ. പക്ഷെ തന്ത്രപരമായ ഇടവേളകൾ മാത്രമെന്ന് ഇസ്രയേൽ പ്രതിരോധവിഭാ​ഗം ട്വീറ്റ് ചെയ്തു.എപ്പോൾ, എവിടെ, എത്ര സമയം വെടിനിറുത്തൽ ഉണ്ടാകുമെന്ന് പറയാനാകില്ലെന്നും ഇസ്രയേൽ.

ന്യൂസ് ഡസ്ക്ക് : ലോകം ഒന്നടങ്കം ആവിശ്യപ്പെട്ടിട്ടും ഇസ്രയേൽ സേന വെടിനിറുത്തൽ നടപ്പിലാക്കിയിട്ടില്ല. ഏറ്റവും അവസാനം ജി7 രാജ്യങ്ങളുടെ ഉച്ചക്കോടി പാസാക്കിയ വെടിനിറുത്തൽ പ്രമേയവും ഇസ്രയേൽ തള്ളി കളഞ്ഞു. പക്ഷെ വ്യാഴാഴ്ച്ച വൈകുന്നേരം മൂന്ന് മണിയ്ക്ക് ഇസ്രയേൽ പ്രതിരോധ വിഭാ​ഗത്തിന്റെ ട്വിറ്റർ പേജിൽ വെടിനിറുത്തൽ നടപ്പിലാക്കുന്നതായി വെളിപ്പെടുത്തി. പക്ഷെ ലോകരാജ്യങ്ങൾ ആവിശ്യപ്പെടുന്നത് പോലെയുള്ള വെടിനിറുത്തൽ അല്ല നടപ്പിലാക്കുന്നത്. പകരം ​മാനുഷിക പരി​ഗണനയുടെ അടിസ്ഥാനത്തിൽ ​ഗാസയിൽ നിന്നും ജനങ്ങളെ ഒഴിപ്പിക്കാൻ തന്ത്രപരമായ ഇടവേളകളായിരിക്കും വെടിനിറുത്തലുകൾ. വെടിനിറുത്തലുകൾ നടപ്പിലാക്കുന്നത് എവിടെ, എപ്പോൾ , എത്ര സമയം എന്ന് മുൻകൂട്ടി പറയാനാകില്ലെന്ന് ഇസ്രയേൽ പ്രതിരോധവിഭാ​ഗം ട്വീറ്റ് ചെയ്തു. ​ഗാസയിൽ നിന്നും ജനങ്ങൾ ഒഴിഞ്ഞ് പോകുന്നതിന്റെ വീഡിയോ ദൃശ്യത്തോടൊപ്പമാണ് ട്വീറ്റ് പങ്ക് വച്ചിരിക്കുന്നത്. ഇസ്രയേൽ സേനയുടെ നിലപാടിനോട് ഇത് വരെ ആരും പ്രതികരിച്ചിട്ടില്ല.

മരണസഖ്യ ഉയർന്നു.

ഇസ്രയേൽ സേന നടത്തിയ ആക്രമണത്തിൽ ഇത് വരെ 10,812 പേർ കൊല്ലപ്പെട്ടതായി പാലസ്തീൽ സർക്കാരിന്റെ ആരോ​ഗ്യമന്ത്രാലയം അറിയിച്ചു. ഇതിൽ 4,412 പേർ കുട്ടികളാണ്.

ഇന്നലെ ആരോ​ഗ്യമന്ത്രാലയം നൽകിയ കണക്ക് പ്രകാരം 10,569 പേരാണ് കൊല്ലപ്പെട്ടത്. പാലസ്തീൻ സർക്കാർ നൽകുന്ന കണക്കാണ് ഔദ്യോ​ഗികരേഖയായി ലോകാരോ​ഗ്യ സംഘടന പരി​ഗണിക്കുന്നത്. ​ഗാസ ന​ഗരത്തിൽ പ്രവർത്തിച്ചിരുന്ന ഏക ആശുപത്രിയായ അൽ ഖ്വദ്സ് അടച്ച് പൂട്ടി. മതിയായ മരുന്നും ഓക്സിഡനും ലഭിക്കാത്ത സാഹചര്യത്തിലാണ് നടപടി. കൂടാതെ ​ഗാസ ന​ഗത്തിൽ കടന്ന ഇസ്രയേൽ സേനയും ഹമാസും തമ്മിലുള്ള പോരാട്ടം ആശുപത്രി പ്രവർത്തനത്തെ ബാധിക്കുന്നുണ്ട്. ആയിരത്തോളം പേരാണ് ആശുപത്രിയിൽ അഭയം തേടിയിരിക്കുന്നത്. രോ​ഗികളായ 100 പേരുടെ അവസ്ഥ അതീവ ​ഗുരുതരമാണ്.ഇതിൽ പലർക്കും മറ്റൊരു സ്ഥലത്തേയ്ക്ക് മാറാൻ പോലും കഴിയില്ലെന്ന് ആശുപത്രി അധികൃതർ അറിയിച്ചു.

Read Also : വടക്കൻ ​ഗാസയുടെ അടിത്തറ മാന്തി ഇസ്രയേൽ. 130 ടണലുകൾ തകർത്തു.​ഗാസ നിവാസികളെ വടക്കൻ ഭാ​ഗത്തേയ്ക്ക് ആട്ടിപായിക്കുന്നു. ഇസ്രയേലും ഹമാസും നടത്തുന്നത് യുദ്ധകുറ്റമെന്ന് തുറന്നടിച്ച് യുഎൻ മനുഷ്യാവകാശ കമ്മീഷൻ. പാലസ്തീനെ നാമവശേഷമാക്കാൻ ഉറച്ച് ബഞ്ചമിൻ നെത്യാഹു.