പെൺകുട്ടികളുടെ വിദ്യാഭ്യാസത്തിനുള്ള വിലക്കിനെ വിമർശിച്ച താലിബാൻ മന്ത്രിക്ക് അറസ്റ്റ് വാറന്റ്. താലിബാൻ ഡെപ്യൂട്ടി വിദേശകാര്യ മന്ത്രി മുഹമ്മദ് അബ്ബാസ് സ്റ്റാനിക്സായിക്കെതിരെയാണ് അറസ്റ്റ് വാറന്റ്. തുടർന്ന് മന്ത്രി രാജ്യത്തുനിന്നും പലായനം ചെയ്തു.
ജനുവരി 20ന് അഫ്ഗാൻ-പാകിസ്താൻ അതിർത്തിക്കടുത്തുള്ള ഖോസ്ത് പ്രവിശ്യയിൽ നടന്ന ബിരുദദാന ചടങ്ങിനിടെയാണ് പെൺകുട്ടികൾക്ക് സെക്കൻഡറി സ്കൂളുകളിലും ഉന്നതവിദ്യാഭ്യാസ രംഗത്തുമുള്ള സർക്കാർ വിലക്കിനെ വിമർശിച്ചത്.
ഇതിനെ തുടർന്ന് താലിബാൻ നേതാവ് ഹിബത്തുള്ള അഖുന്ദ്സാദ മന്ത്രിയെ അറസ്റ്റ് ചെയ്യാൻ ഉത്തരവിട്ടു. ഇതോടെ മന്ത്രി രാജ്യം വിടുകയായിരുന്നു. മന്ത്രി യുഎഇ യിലേക്കാണ് കടന്നത് എന്നാണു റിപ്പോർട്ട്.
