കൊച്ചി: ചെറായി ഗൗരീശ്വര ക്ഷേത്രത്തില് ഇനി പുരുഷന്മാര്ക്ക് ഷര്ട്ട് ഊരാതെ തന്നെ ദര്ശനം നടത്താമെന്ന് തീരുമാനം. 112 വര്ഷമായി തുടരുന്ന ആചാരം അവസാനിപ്പിക്കാന് തീരുമാനിച്ചു. ശ്രീനാരായണ ഗുരു പ്രതിഷ്ഠ നടത്തിയ ക്ഷേത്രമാണ് ഇത്.
ശിവഗിരി മഠവും ഈ അനാചാരം അവസാനിപ്പിക്കണം എന്നു നേരത്തെ തന്നെ നിര്ദ്ദേശം നല്കിയിരുന്നു. വിജ്ഞാന വര്ധിനി സഭയുടെ കീഴിലാണ് ക്ഷേത്രം. ഈ സഭയുടെ കീഴില് തന്നെയുള്ള വലിയ വീട്ടില് കുന്ന് ഭഗവതി ക്ഷേത്രത്തില് നേരത്തെ തന്നെ ഷര്ട്ട് ഊരാതെ തന്നെ ദര്ശനം നടത്തുവാന് ഭക്തര്ക്ക് കഴിയുമായിരുന്നു.
ഷര്ട്ട് ഊരാതെ തന്നെ പുരുഷന്മാര്ക്ക് ക്ഷേത്രദര്ശനം നടത്താമെന്ന് എസ്എന്ഡിപി യോഗം നേരത്തെ തന്നെ തീരുമാനിച്ചിരുന്നു. എസ്എന്ഡിപി യൂണിയനുകള്ക്കും ശാഖകള്ക്കും യോഗം ജനറല് സെക്രട്ടറി നിര്ദേശം നല്കുകയും ചെയ്തിരുന്നു. ഇതിന്റെ അടിസ്ഥാനത്തിലാണ് ആചാരം അവസാനിപ്പിച്ചത്.
