പാരിസ് ഒളിമ്പിക്സിന്റെ മുന്നൊടിയായി ഫിൻലാൻഡിലെ തുർക്കുവിൽ നടന്ന പാവോ നൂർമി ഗെയിംസിൽ സ്വർണം നേടി ഇന്ത്യയുടെ നീരജ് ചോപ്ര. പരിക്കിനെ തുടർന്ന് ചെക്ക് റിപ്പബ്ലിക്കിൽ നടന്ന മത്സരത്തിൽ നീരജ് മത്സരിച്ചിരുന്നില്ല.India’s Neeraj Chopra wins gold in Pavo Nurmi Games
85.97 മീറ്റർ ദൂരം കണ്ടെത്തിയാണ് ഒളിമ്പ്യൻ പൊന്നണിഞ്ഞത്. 2022 ൽ പാവോ നൂർമി ഗെയിംസിലെ വെള്ളിയാണ് ഇത്തവണ സ്വർണമാക്കിയത്. മൂന്നാമത്തെ ശ്രമത്തിലാണ് നീരജിന് 85 മീറ്റർ കടക്കാനായത്.
84.19 മീറ്റർ താണ്ടിയ ഫിൻലാൻഡ് താരം ടോണി കെരാനെന് ആണ് വെള്ളി. 83.96 മീറ്റർ കണ്ടെത്തിയ ഒളിവർ ഹെലാൻഡറിനാണ് വെങ്കലം. പാരിസ് ഡയമണ്ട് ലീഗിലാകും ഇന്ത്യൻ താരം ഇനി മത്സരിക്കുക. ജൂലൈ ഏഴിനാണ് ഈ മത്സരം.
