നോ മണി, നോ ഹണി, ഒൺലി ഇടി… പട്ടായയിൽ ലൈംഗികബന്ധത്തിലേർപ്പെട്ട ശേഷം പണം നൽകാതെ രക്ഷപ്പെടാൻ ശ്രമിച്ച ഇന്ത്യൻ പൗരന് കിട്ടിയത് എട്ടിന്റെ പണി
നോ മണി, നോ ഹണി, ഒൺലി ഇടി…. പട്ടായയിൽ ലൈംഗികബന്ധത്തിലേർപ്പെട്ട ശേഷം പണം നൽകാതെ രക്ഷപ്പെടാൻ ശ്രമിച്ച ഇന്ത്യൻ പൗരന് കിട്ടിയത് എട്ടിന്റെ പണി
ബാങ്കോക്ക്: തായ്ലൻഡിലെ വിനോദസഞ്ചാര കേന്ദ്രമായ പട്ടായയിൽ ലൈംഗിക തൊഴിലാളിയുമായി ലൈംഗികബന്ധത്തിലേർപ്പെട്ട ശേഷം പണം നൽകാതെ രക്ഷപ്പെടാൻ ശ്രമിച്ച ഇന്ത്യൻ പൗരന് ക്രൂരമർദനം.
52 വയസ്സുകാരനായ രാജ് ജസൂജയാണ് ആക്രമണത്തിനിരയായത്. ഡിസംബർ 27ന് പുലർച്ചെയായിരുന്നു സംഭവം. ഒരു സംഘം ട്രാൻസ്ജെൻഡർ ലൈംഗിക തൊഴിലാളികളാണ് ഇയാളെ നടുറോഡിൽ വെച്ച് മർദിച്ചത്.
സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
പട്ടായയിലെ പ്രശസ്തമായ വാക്കിംഗ് സ്ട്രീറ്റിന് സമീപമാണ് രാജ് ജസൂജയും ട്രാൻസ്ജെൻഡർ ലൈംഗിക തൊഴിലാളിയും തമ്മിൽ പണമിടപാടിനെച്ചൊല്ലി തർക്കമുണ്ടായത്.
തർക്കം രൂക്ഷമായതോടെ യുവതി മറ്റ് ട്രാൻസ് സുഹൃത്തുക്കളെ സഹായത്തിനായി വിളിച്ചു. പണം നൽകാതെ കാറിൽ കയറി രക്ഷപ്പെടാൻ രാജ് ശ്രമിച്ചെങ്കിലും, ഒരു ട്രാൻസ്ജെൻഡർ വാഹനത്തിന്റെ ഡോർ തടഞ്ഞു.
പിന്നാലെ ഇയാളെ വാഹനത്തിൽ നിന്ന് വലിച്ചിറക്കി സംഘം ചേർന്ന് മർദിക്കുകയായിരുന്നു.
നടുറോഡിൽ വീണ രാജിനെ തുടർച്ചയായി ചവിട്ടുകയും ആക്രമിക്കുകയും ചെയ്തു. ആക്രമണത്തിനിടെ ‘നോ മണി, നോ ഹണി’ (പണമില്ലെങ്കിൽ സ്നേഹമില്ല) എന്ന മുദ്രാവാക്യം മുഴങ്ങിയതായും ദൃശ്യങ്ങളിൽ കാണാം.
തലക്കും മുഖത്തിനും ഗുരുതരമായി പരിക്കേറ്റ രാജിന് പ്രാഥമിക ശുശ്രൂഷ നൽകിയ ശേഷം പട്ടാമകോം ആശുപത്രിയിൽ പ്രവേശിപ്പിച്ചു.
ഇയാൾ സുഖം പ്രാപിച്ചതിന് ശേഷം ഔദ്യോഗികമായി പരാതി നൽകാൻ ആവശ്യപ്പെടുമെന്ന് പട്ടായ പൊലീസ് അറിയിച്ചു. തായ് നിയമപ്രകാരം സംഭവത്തിൽ വിശദമായ അന്വേഷണം നടക്കുമെന്നും പൊലീസ് വ്യക്തമാക്കി.
വീഡിയോ വൈറലായതോടെ സാമൂഹ്യമാധ്യമങ്ങളിൽ ശക്തമായ പ്രതികരണങ്ങളാണ് ഉയരുന്നത്. പണം നൽകാതെ രക്ഷപ്പെടാമെന്ന് കരുതിയതിന്റെ ഫലമാണിതെന്നും, ചില ഇന്ത്യൻ സഞ്ചാരികളുടെ പെരുമാറ്റത്തെ വിമർശിച്ചുമുള്ള കമന്റുകളാണ് വ്യാപകമായി പ്രത്യക്ഷപ്പെടുന്നത്.
English Summary
An Indian national was brutally assaulted in Pattaya, Thailand, after allegedly attempting to flee without paying a transgender sex worker following a sexual encounter.
indian-man-assaulted-pattaya-sex-payment-dispute
Thailand News, Pattaya Incident, Indian Tourist, Transgender Community, Assault Case, Viral Video, International News
