ക്വലാലംപുര്: അണ്ടര് 19 വനിത ടി20 ലോക കിരീടത്തില് മുത്തമിട്ട് ഇന്ത്യ. 83 റണ്സ് വിജയലക്ഷ്യവുമായി ബാറ്റിങ്ങിന് ഇറങ്ങിയ ഇന്ത്യ അനായാസം ജയിച്ച് കയറി.
11.2 ഓവറില് ഒരു വിക്കറ്റ് മാത്രം നഷ്ടത്തില് വെടിക്കെട്ട് ബാറ്റിങ്ങിലൂടെ ഇന്ത്യ ദക്ഷിണാഫ്രിക്കയെ പരാജയപ്പെടുത്തുകയായിരുന്നു.
ഓള്റൗണ്ട് പ്രകടനം കാഴ്ച വെച്ച ഗോംഗഡി തൃഷയാണ് ഇന്ത്യയ്ക്ക് മിന്നും വിജയം സമ്മാനിച്ചത്.
4 ഓവറില് വെറും 15 റണ്സ് മാത്രം വഴങ്ങി 3 വിക്കറ്റുകള് വീഴ്ത്തിയ ഗോംഗഡി തൃഷ ബാറ്റിങ്ങില് 33 പന്തില് 44 റണ്സുമായി വെടിക്കെട്ട് പ്രകടനം കാഴ്ച വെച്ചു.
ഫൈനലില് ടോസ് നേടി ആദ്യം ബാറ്റ് ചെയ്യാനിറങ്ങിയ ദക്ഷിണാഫ്രിക്കക്ക് 20 ഓവറില് 82 റണ്സെടുത്ത് തൃപ്തിപെടേണ്ടി വന്നു.
വൈഷ്ണവി ശര്മ, ആയുഷി ശുക്ല, പരുണിക സിസോദിയ എന്നിവര് രണ്ട് വിക്കറ്റുകള് വീഴ്ത്തി. ശബ്നം, ഷകില് എന്നിവര് ഒരു വിക്കറ്റെടുത്തു.
ദക്ഷിണാഫ്രിക്കന് നിരയില് 23 റണ്സെടുത്ത മികെ വാന് വൂസ്റ്റാണ് ടോപ് സ്കോറര്.
ഫയ് കൗളിങ് 15 റണ്സെടുത്തു. ജെമ്മ ബോത (16), കരാബോ മോസോ (10) എന്നിവരും രണ്ടക്കം കണ്ടു.
മറ്റാരും തിളങ്ങിയില്ല. 4 താരങ്ങള് പൂജ്യത്തില് പുറത്തായി.
