അത്താഴം സമയത്ത് വിളമ്പി നൽകിയില്ല: ഭാര്യയെ കഴുത്തറുത്ത് കൊലപ്പെടുത്തിയശേഷം തൊലിയുരിച്ച് ഭർത്താവ്: അറസ്റ്റിൽ

തനിക്ക് അത്താഴം സമയത്ത് വിളമ്പിനൽകാത്തതിന് ഭാര്യയെ തലയെടുത്ത് കൊലപ്പെടുത്തിയ ശേഷം മൃതദേഹത്തിന്റെ തൊലിയുരിച്ച ഭർത്താവിനെ പോലീസ് അറസ്റ്റ് ചെയ്തു. കർണാടക തുംകൂരൂർ നടന്ന ഞെട്ടിക്കുന്ന കൊലപാതകത്തിൽ കൊല്ലപ്പെട്ട യുവതിയുടെ ഭർത്താവ് ശിവരാമനെയാണ് പോലീസ് അറസ്റ്റ് ചെയ്തത്.

സംഭവത്തെക്കുറിച്ച് പോലീസ് പറയുന്നത് ഇങ്ങനെ:

കുനിഗൽ താലൂക്കിലെ ടൗണിൽ തിങ്കളാഴ്ച രാത്രിയാണ് ക്രൂരത അരങ്ങേറിയത്. പത്തുവർഷം മുമ്പാണ് തടിമില്ലിൽ ജോലി ചെയ്തിരുന്ന ശിവരാമനും പുഷ്പലതയും വിവാഹിതരായത്. ഇവർ പതിവായി വഴക്കിട്ടിരുന്നു. തിങ്കളാഴ്ച രാത്രി തനിക്ക് അത്താഴം വിളമ്പിയില്ല എന്ന് ആരോപിച്ച് ശിവരാമൻ പുഷ്പലതയുമായി വഴക്കിട്ടു. വഴക്കിനിടെ പുഷ്പലത തന്റെ ജോലിയെപ്പറ്റി പറഞ്ഞത് ഇഷ്ടപ്പെടാതിരുന്ന ശിവരാമൻ പുഷ്പലതയെ വെട്ടിയശേഷം വെട്ടുകത്തി ഉപയോഗിച്ച് തല അറുത്ത് മാറ്റി. ശരീരഭാഗങ്ങൾ വികൃതമാക്കിയ ശേഷം ചൊവ്വാഴ്ച പുലർച്ച വരെ ഭാര്യയുടെ മൃതദേഹം ഇയാൾ തൊലിയുരിക്കുകയും ചെയ്തു. ഈ സംഭവം നടക്കുമ്പോൾ ഇവരുടെ എട്ടുവയസ്സുകാരനായ മകൻ അരികിൽ ഉറങ്ങുന്നുണ്ടായിരുന്നു.

നേരം വെളുത്തതോടെ ശിവരാമൻ കൊലപാതകത്തെക്കുറിച്ച് വീട്ടുടമയെ വിളിച്ച് അറിയിച്ചു. ഇയാൾ അറിയിച്ചതനുസരിച്ച് പോലീസ് സ്ഥലത്തെത്തിയപ്പോൾ യുവതിയുടെ മൃതദേഹം രക്തത്തിൽ കുളിച്ചു കിടക്കുന്നതാണ് കണ്ടത്. മൃതദേഹത്തിന്റെ തൊലി ഉരിച്ച നിലയിൽ ആയിരുന്നു. ശിവരാമനെ പോലീസ് കസ്റ്റഡിയിലെടുത്തു.