മുംബൈ: ആപ്പ് വഴി ഓർഡർ ചെയ്ത് വാങ്ങിയ ഐസ്ക്രീമിൽ മനുഷ്യന്റെ വിരൽ കഷ്ണം കണ്ടെത്തി. മുംബൈ മലാഡിലെ ഓര്ലെം നിവാസിയായ ബ്രെന്ഡന് സെറാവോ എന്ന യുവ ഡോക്ടര് വാങ്ങിയ ഐസ് ക്രീമിലാണ് മനുഷ്യന്റെ രണ്ട് സെന്റീമീറ്ററോളം നീളമുള്ള വിരലിന്റെ കഷ്ണം കണ്ടെത്തിയത്. ഉടൻ തന്നെ ഇദ്ദേഹം മലാഡ് പൊലീസിനെ വിവരമറിയിക്കുകയായിരുന്നു.(Human finger inside ice cream cone)
മൂന്ന് ബട്ടര്സ്കോച്ച് കോണ് ഐസ്ക്രീമുകളായിരുന്നു ആപ്പ് വഴി ഓർഡർ ചെയ്തിരുന്നത്. ഐസ് ക്രീം കഴിക്കുന്നതിനിടെ ശക്തിയായി എന്തോ നാവില് തട്ടിയപ്പോള് പുറത്തെടുത്തു പരിശോധിച്ചപ്പോഴാണ് വിരലിന്റെ കഷ്ണം ലഭിച്ചത്. തുടര്ന്ന് പൊലീസെത്തി ഐസ്ക്രീമും വിരലും പരിശോധിച്ചു.
വിരല് ഫോറന്സിക് ലബോറട്ടറിയിലേക്ക് അയക്കുമെന്ന് മുതിര്ന്ന പൊലീസ് ഉദ്യോഗസ്ഥന് അറിയിച്ചു. വിഷയം ഗൗരവമായി എടുത്തിട്ടുണ്ടെന്നും ഐസ്ക്രീം നിര്മിച്ച് പാക്ക് ചെയ്യുന്ന സ്ഥലം പരിശോധിക്കുമെന്നും അദ്ദേഹം കൂട്ടിച്ചേര്ത്തു. എന്നാല്, സംഭവത്തില് ഐസ്ക്രീം നിര്മാതാക്കള് ഇതുവരെ പ്രതികരിച്ചിട്ടില്ല.
Read Also: നീറ്റ് പരീക്ഷ വിവാദം; 1563 പേര്ക്ക് റീടെസ്റ്റ് നടത്തും, ഗ്രേസ് മാർക്ക് ഒഴിവാക്കാനും തീരുമാനം
