തൊടുപുഴ: തൊടുപുഴയെ ആവേശത്തിന്റെ മുൾമുനയിലാക്കാൻ ഹൊറൈസൺ മോട്ടോഴ്സും കേരള വടംവലി അസോസിയേഷനും സംയുക്തമായി നടത്തുന്ന അഖില കേരള വടംവലി മത്സരം നാളെ. വെങ്ങല്ലൂരിനടുത്തുള്ള സോക്കർ സ്കൂൾ മൈതാനത്ത് നാളെ വൈകിട്ട് 6 നാണ് മത്സരം.
കാണികൾക്കായി ഗ്യാലറി ഒരുക്കുന്ന ഇടുക്കിയിലെ ഏക വടംവലി മത്സരം ആണ് ഇത്. സോക്കർ സ്കൂൾ മൈതാനത്ത് പ്രത്യേകം തയാറാക്കിയ വേദിയിലാണ് മത്സരം.
പുരുഷൻമാർക്കും വനിതകൾക്കും പ്രത്യേകം പ്രത്യേകം മത്സരങ്ങളുണ്ടാകും. 455 കിലോ കാറ്റഗറിയിൽ നടക്കുന്ന മത്സരത്തിൽ ആകെ 2 ലക്ഷം രൂപയുടെ സമ്മാനങ്ങളാണ് നൽകുന്നത്.
മഹീന്ദ്ര വാഹനങ്ങളുടെ അംഗീകൃത വിതരണക്കാരായ ഹൊറൈസൺ മോട്ടോഴ്സ് സംഘാടകരാകുന്ന മൽസരത്തിൽ ഇക്കുറി മല്ലൻമാർ മാത്രമല്ല വനിതകളും കളത്തിലിറങ്ങും. ‘സുരക്ഷിതമായി വാഹനമോടിക്കൂ ജീവൻ രക്ഷിക്കൂ’ എന്ന സന്ദേശം പൊതുജനങ്ങളിലേക്ക് എത്തിക്കുന്നതിൻ്റെ ഭാഗമായാണ് വടംവലി മത്സരം സംഘടിപ്പിക്കുന്നതെന്ന് ഹൊറൈസൺ ഗ്രൂപ്പ് മാനേജിംഗ് ഡയറക്ടർ എബിൻ ഷാജി കണ്ണിക്കാട്ട് പറഞ്ഞു.
സുരക്ഷിതമായി വാഹനമോടിക്കൂ ജീവൻ രക്ഷിക്കൂ എന്ന സന്ദേശവുമായി ഹൊറൈസൺ മോട്ടോഴ്സും സി.എം.എസ്. കോളജും ചേർന്ന് മിനി മാരത്തൺ സംഘടിപ്പിച്ചിരുന്നു.
കോട്ടയത്ത് സംഘടിപ്പിച്ച മിനി മാരത്തണിൽ അഞ്ഞൂറിലേറെ കായിക താരങ്ങൾ പങ്കെടുത്തിരുന്നു. ഇതിനു പിന്നാലെയാണ് കേരള വടംവലി അസോസിയേഷന്റെ സഹകരണത്തോടെ തൊടുപുഴയിൽ വടംവലി മത്സരം സംഘടിപ്പിക്കുന്നത്.
മഞ്ഞള്ളൂർ പഞ്ചായത്ത് പ്രസിഡന്റ് ആൻസി ജോസ്, എറണാകുളം ക്രൈംബ്രാഞ്ച് എസ്പി വി.ഐ. കുരിയാക്കോസ് ഐപിഎസ്, തൊടുപുഴ എൻഫോഴ്സ്മെന്റ് ആർടിഒ രാജീവ് കെ കെ, തൊടുപുഴ ഡിവൈഎസ്പി ഇമ്മാനുവൽ പോൾ, മഞ്ഞള്ളൂർ പഞ്ചായത്ത് മെമ്പർ കെ വി സുനിൽ, ഇടുക്കി ജില്ല പ്രസ്ക്ലബ് പ്രസിഡന്റ് വിനോദ് കണ്ണോളി, തൊടുപുഴ മർച്ചന്റ് അസോസിയേഷൻ പ്രസിഡന്റ് ടി സി രാജു, ഹൊറൈസൺ ഗ്രൂപ്പ് മാനേജിംഗ് ചെയർമാൻ ഷാജി ജെ കണ്ണിക്കാട്ട്, മാനേജിംഗ് ഡയറക്ടർ എബിൻ ഷാജി കണ്ണിക്കാട്ട്, ഹൊറൈസൺ മോട്ടോഴ്സ് ഗ്ലോബൽ സി.ഇ.ഒ അലക്സ് അലക്സാണ്ടർ എന്നിവർ വടംവലി മത്സരത്തിനോടനുബന്ധിച്ച് നടക്കുന്ന ചടങ്ങിൽ പങ്കെടുക്കും.
ഫൈറ്റെർസ് കാഞ്ഞിരങ്ങാട് വയനാട്, എവർഗ്രീൻ അരിവയൽ വയനാട്, പുണ്യാളൻസ് കോഴിക്കോട്, ഹായ് ഫ്രണ്ട് കോഴിക്കോട്, സ്റ്റാർ വിഷൻ വെങ്കിടങ് തൃശൂർ, ഫ്രണ്ട്സ് മച്ചാഡ് തൃശൂർ, പ്രതിഭ പ്രളയകാട് പെരുമ്പാവൂർ, ഗ്രാൻമ വടകര കോഴിക്കോട്, ഹായ് ഫ്രണ്ട്സ് കൈപമംഗലം തുടങ്ങി അമ്പതോളം ടീമുകളാണ് വടംവലിക്ക് ഇറങ്ങുന്നത്.
