കണ്ണൂർ: കുടുംബവഴക്കിനെ തുടർന്ന് ഭാര്യയെയും ഭാര്യാമാതാവിനെയും യുവാവ് വെട്ടിക്കൊലപ്പെടുത്തി. കണ്ണൂർ മുഴക്കുന്ന് കാക്കയങ്ങാട് തൊണ്ടംകുഴി ചെറു വോട്ട് എന്ന സ്ഥലത്ത് ഇന്ന് ഉച്ചയ്ക്ക് 1.30 ന് ആണ് കൊലപാതകം നടന്നത്. പനച്ചിക്കടവത്ത് പി കെ അലീമ (53), മകൾ സെൽമ (30) എന്നിവരാണ് കൊല്ലപ്പെട്ടത്.(His wife and mother-in-law were hacked to death; The youth is in custody)
സെൽമയുടെ ഭർത്താവ് ഷാഹുൽ ഇവരെ ആക്രമിക്കുകയായിരുന്നു. സൽമയുടെ 12 വയസുകാരനായ മകൻ ഫഹദിനും പരിക്കേറ്റിട്ടുണ്ട്. കൊലപാതകത്തെ തുടർന്ന് ഷാഹുലിനെ പൊലീസ് കസ്റ്റഡിയിലെടുത്തു. ആക്രമണത്തിനിടെ ഷാഹുൽ ഹമീദിനും പരിക്കേറ്റിട്ടുണ്ട്. പ്രതി ലഹരിക്ക് അടിമയാണെന്ന് പൊലീസ് പറഞ്ഞു. മൃതദേഹങ്ങൾ പേരാവൂർ ഗവ: ആശുപത്രിയിലേക്ക് മാറ്റി.
