തനിക്കെതിരെ യുഎപിഎ ചുമത്തിയതിനെതിരെ ഐഎസ് ഭീകരൻ അബ്ദുൾ റഹ്മാൻ നൽകിയ അപ്പീൽ കർണാടക ഹൈക്കോടതി തള്ളി. ജസ്റ്റിസുമാരായ ശ്രീനിവാസ് ഹരീഷ് കുമാർ, വിജയകുമാർ എ പാട്ടീൽ എന്നിവരടങ്ങിയ ഡിവിഷൻ ബെഞ്ചാണ് അപ്പീൽ തള്ളിയത്. ഇന്ത്യൻ പൗരനെന്ന നിലയിൽ അപേക്ഷകൻ തന്റെ കർത്തവ്യങ്ങൾ നിർവഹിക്കാൻ ബാധ്യസ്ഥനാണ്, എന്നാൽ ഇതിനുപകരം ഇന്ത്യയ്‌ക്കെതിരെ യുദ്ധം ചെയ്യാൻ ഗൂഢാലോചന നടത്തുന്ന ഒരു സംഘടനയിൽ അംഗമാകുകയും ഭരണഘടനാപരമായ ഉത്തരവുകൾ ലംഘിക്കുകയും ചെയ്യുന്നുവെങ്കിൽ
അത് ജാമ്യം നിഷേധിക്കാൻ മതിയായ കാരണമാണെന്ന് കോടതി നിരീക്ഷിച്ചു.
”ഇന്ത്യയിലെ ഓരോ പൗരനും ഭരണഘടനയെ അനുസരിക്കാനും ഭരണഘടനയുടെ ആദർശങ്ങളെയും സ്ഥാപനങ്ങളെയും ദേശീയ പതാകയെയും ദേശീയ ഗാനത്തെയും ബഹുമാനിക്കാനും ആർട്ടിക്കിൾ 51 (എ) (എ) പ്രകാരം ബാധ്യസ്ഥരാണ്. ഇന്ത്യയുടെ പരമാധികാരവും ഐക്യവും അഖണ്ഡതയും ഉയർത്തിപ്പിടിക്കാനും സംരക്ഷിക്കാനും ഓരോ പൗരനോടും ക്ലോസ് (സി) കൽപ്പിക്കുന്നു. ഇത് ഓരോ പൗരന്റെയും അടിസ്ഥാന കടമകളാണ്. രാജ്യത്തെയും സമൂഹത്തെയും സംരക്ഷിക്കേണ്ടത് ഭരണഘടനാ കോടതികളുടെ കടമയാണ്” കോടതി പറഞ്ഞു.
ഇസ്ലാമിക് സ്റ്റേറ്റുമായി ബന്ധമുള്ള റഹ്മാൻ ജാമ്യം നിഷേധിച്ച പ്രത്യേക കോടതിയുടെ ഉത്തരവിനെതിരെ ഹൈക്കോടതിയെ സമീപിച്ചിരുന്നു. ഐപിസി സെക്ഷൻ 120 ബി, 121, 121 എ, നിയമവിരുദ്ധ പ്രവർത്തനങ്ങൾ (തടയൽ) നിയമത്തിലെ സെക്ഷൻ 18, 20, 38 എന്നിവ ചുമത്തപ്പെട്ടതിനെയും അബ്ദുൾ റഹ്മാൻ ചോദ്യം ചെയ്തിരുന്നു.
Read Also: ബോഡി ബിൽഡിങ്ങിനു സിങ്ക് വേണം; 39 നാണയങ്ങളും 37 കാന്തങ്ങളും വിഴുങ്ങി യുവാവ് !
