പട്ടിണിയും പരിവട്ടവും നിറഞ്ഞ ഒരു കാലത്ത് ആളുകൾ വിശപ്പടക്കാൻ എന്തൊക്കെ വഴികളാണ് സ്വീകരിച്ചിരുന്നതെന്നു അറിയുന്നത് മനുഷ്യൻ്റെ അതിജീവനത്തിന്റെ ഉദാഹരണങ്ങളിൽ ഒന്നുമാത്രമാണ്. (Here was a people who used drugs to relieve hunger and thirst)

അത്തരത്തിൽ, പതിനേഴാം നൂറ്റാണ്ടിൽ ഇറ്റലിയിൽ ജീവിച്ചിരുന്ന നിവാസികളുടെ മമ്മി ചെയ്യപ്പെട്ട മസ്തിഷ്കത്തിലെ ഒരു പുതിയ കണ്ടെത്തലാണ്അ ഇപ്പോൾ ശാസ്ത്രലോകത്തെ പുതിയ കൗതുകം.

പഴയകാലത്തെ ഇറ്റലിക്കാർ കൊക്കെയ്നിനു അടിമയായിരുന്നോ അതോ വിശപ്പും ദാഹവും ശമിപ്പിക്കാൻ അതിൻ്റെ ഇലകൾ കഴിക്കുകയായിരുന്നോ എന്ന സംശയമാണ് ഇപ്പോൾ ശാസ്ത്രജ്ഞർ ഉന്നയിക്കുന്നത്.

ആളുകളുടെ മമ്മി സ്റ്റഡി ചെയ്തതിൽ നിന്നും, ആളുകളുടെ സംരക്ഷിത മമ്മിഫൈഡ് മനുഷ്യ മസ്തിഷ്കം കൊക്കെന്നോട് പോസിറ്റീവായി പ്രതികരിച്ചു. ഇത് യൂറോപ്പിൽ പ്രചാരത്തിലാകുന്നതിന് നൂറ്റാണ്ടുകൾക്ക് മുമ്പ് മയക്കുമരുന്ന് ഉപയോഗം അവിടെ ഉണ്ടായിരുന്നതായി സ്ഥിരീകരിക്കുന്നു.

അക്കാലത്തെ പ്രശസ്തമായ ഒരു ആശുപത്രിക്ക് സമീപമുള്ള ശ്മശാന സ്ഥലമായ കാഗ്രാൻഡ ക്രിപ്റ്റിൻ്റെ ഭാഗമായിരുന്നു മമ്മി ചെയ്യപ്പെട്ട തലച്ചോറുകൾ.

മിലാനിലെ ദരിദ്രരെയും അവശത അനുഭവിക്കുന്നവരെയും ചികിത്സിക്കുന്നതിൽ ഓസ്‌പെഡേൽ മാഗിയോർ എന്ന ആശുപത്രി പ്രശസ്തമായിരുന്നു. പട്ടിണി മാറ്റാനായി മയക്കുമരുന്നുവരെ ഉപയോഗിക്കേണ്ടി വന്ന ഒരു ജനതയുടെ നേർക്കാഴ്ചയാണിത് എന്നാണു ഗവേഷകർ പാറയുന്നത്.

പരിശോധിച്ച ഒമ്പത് സാമ്പിളുകളിൽ രണ്ടെണ്ണത്തിൽ, ഗവേഷകർ കൊക്കെയ്‌ന്റെ സജീവ ഘടകങ്ങൾ കണ്ടെത്തി. ഇത്,പണ്ടുകാലത്ത് മനുഷ്യർ വിശപ്പും ദാഹവും നിയന്ത്രിക്കുന്നതിന് മയക്കുമരുന്നുകൾ ഉപയോഗിച്ചിരുന്നു എന്നതിലേക്കാണ് വിരൽ ചൂണ്ടുന്നത്.

കൊക്ക ചെടിയായ എറിത്രോക്‌സൈലത്തിൻ്റെ ഇലകളിൽ അടങ്ങിയിരിക്കുന്ന ആൽക്കലോയിഡായ ഹൈഗ്രിൻ്റെ സാന്നിധ്യവും പരിശോധിച്ച സാമ്പിളുകളിൽ ഉണ്ടായിരുന്നു. ഇത് ആളുകൾ അതിൻ്റെ സസ്യ രൂപത്തിൽ മയക്കുമരുന്ന് കഴിക്കുന്നുവെന്ന് സ്ഥിരീകരിച്ചു.