ഹെൽമെറ്റില്ലാത്ത യാത്രയ്ക്ക് ‘പണികിട്ടി’; ഒരാഴ്ചയ്ക്കുള്ളിൽ ഈടാക്കിയത് 2.7 കോടി രൂപ പിഴ!
തിരുവനന്തപുരം: സംസ്ഥാനത്ത് ഹെൽമെറ്റില്ലാതെ ഇരുചക്ര വാഹനങ്ങൾ ഓടിച്ചതിനെതിരെ പൊലീസ് നടത്തിയ പരിശോധനയിൽ കഴിഞ്ഞ ഒരാഴ്ചയ്ക്കിടെ ₹2,70,51,150 പിഴ ഈടാക്കി. പരിശോധനയിൽ 51,604 നിയമലംഘനങ്ങളാണ് കണ്ടെത്തിയത്.
മൊത്തം 1,13,011 ഇരുചക്ര വാഹനങ്ങളാണ് പരിശോധിച്ചത്. ഹെൽമെറ്റ് ധരിക്കേണ്ടതിന്റെ പ്രാധാന്യം ബോധ്യപ്പെടുത്താനും റോഡപകടങ്ങൾ കുറയ്ക്കാനുമാണ് പരിശോധന ശക്തമാക്കിയതെന്ന് കേരള പൊലീസ് അറിയിച്ചു.
പരിശോധന തുടരും
ട്രാഫിക് ആൻഡ് റോഡ് സേഫ്റ്റി മാനേജ്മെന്റ് വിഭാഗത്തിന്റെ നേതൃത്വത്തിൽ പരിശോധന തുടരാൻ ഹൈവേ പട്രോളിംഗ് വിഭാഗങ്ങൾക്ക് നിർദ്ദേശം നൽകിയിട്ടുണ്ട്.
പരാതി അറിയിക്കാൻ ‘ശുഭയാത്ര’
ഗതാഗത നിയമലംഘനങ്ങൾ ശ്രദ്ധയിൽപ്പെട്ടാൽ 9747001099 എന്ന ‘ശുഭയാത്ര’ വാട്ട്സ്ആപ്പ് നമ്പറിൽ അറിയിക്കാമെന്ന് അധികൃതർ അറിയിച്ചു.
English Summary
Kerala Police collected ₹2.7 crore in fines within a week for helmet rule violations, detecting over 51,000 offences during statewide inspections.
