കുളിക്കാൻ കയറുമ്പോൾ അവർ പിന്നാലെ വരും, എല്ലാവർക്കും സർജറി ചെയ്ത ഭാഗം കാണണം; വിചിത്ര അനുഭവം തുറന്നു പറഞ്ഞ് ട്രാൻസ് മാധ്യമപ്രവർത്തക ഹെയ്ദി സാദിയ
കേരളത്തിലെ ആദ്യ ട്രാൻസ്ജെൻഡർ മാധ്യമപ്രവർത്തകരിൽ ഒരാളായ ഹെയ്ദി സാദിയ സർജറിക്ക് ശേഷം ജീവിതത്തിൽ നേരിട്ട ചില അനുഭവങ്ങൾ പങ്കുവെച്ചത് സോഷ്യൽ മീഡിയയിൽ ശ്രദ്ധ നേടുന്നു. ട്രാൻസ്മെൻ ആയ അഥർവ് മോഹനുമായുള്ള വിവാഹം വലിയ ചർച്ചയായിരുന്നെങ്കിലും രണ്ട് വർഷങ്ങൾക്ക് ശേഷം ഇരുവരും വേർപിരിഞ്ഞിരുന്നു.
ഒരു അഭിമുഖത്തിൽ സംസാരിക്കവെയാണ് സർജറിക്ക് ശേഷം നേരിട്ട ചില അസ്വസ്ഥകരമായ അനുഭവങ്ങളെക്കുറിച്ച് ഹെയ്ദി സാദിയ തുറന്ന് പറഞ്ഞത്. ശസ്ത്രക്രിയയ്ക്ക് ശേഷം ഒരു വർഷത്തോളം ആന്റിയുടെ വീട്ടിലായിരുന്നു താമസം എന്നും അവിടെയുണ്ടായിരുന്ന ചില സ്ത്രീകൾ തന്റെ സർജറിയെക്കുറിച്ച് വലിയ കൗതുകം പ്രകടിപ്പിച്ചിരുന്നുവെന്നും അവർ പറഞ്ഞു.
ഹെയ്ദിയുടെ വാക്കുകളിൽ, വീട്ടിലെ മുതിർന്നവരിൽ നിന്ന് തുടങ്ങി പലർക്കും സർജറി ചെയ്ത ഭാഗം എങ്ങനെയാണെന്ന് അറിയണമെന്ന ആകാംക്ഷ ഉണ്ടായിരുന്നു. കുളിക്കാൻ പോകുമ്പോൾ പോലും ചിലർ പിന്നാലെ വന്ന് കാണിക്കണമെന്ന് ആവശ്യപ്പെട്ട അനുഭവം ഉണ്ടായിരുന്നുവെന്നും അവർ വെളിപ്പെടുത്തി.
“സർജറിയ്ക്ക് ശേഷം ഒരു വർഷം കഴിഞ്ഞ് ഞാൻ ആന്റിയുടെ വീട്ടിൽ പോയിരുന്നു. അവിടെയുള്ള ഗ്രാൻഡ് മദർ മുതൽ പല സ്ത്രീകൾക്കും എന്റെ സർജറി ചെയ്ത ഭാഗം എങ്ങനെയാണെന്ന് അറിയാനുള്ള കൗതുകം ഉണ്ടായിരുന്നു. ഞാൻ കുളിക്കാൻ കയറുമ്പോൾ പോലും പിന്നാലെ വന്ന് കാണിക്കണമെന്ന് പറഞ്ഞു. പിന്നീട് ‘ഇത് നമ്മളുടേത് പോലെ തന്നെയാണല്ലോ’ എന്നിങ്ങനെ അവർ പ്രതികരിച്ചതും ഞാൻ കേട്ടു,” എന്നാണ് ഹെയ്ദി സാദിയ പറഞ്ഞത്.
സർജറിയ്ക്ക് ശേഷമുള്ള ജീവിതത്തിൽ ട്രാൻസ് വ്യക്തികൾ നേരിടുന്ന കൗതുകവും സാമൂഹിക സമീപനങ്ങളും വ്യക്തമാക്കുന്ന അനുഭവമായിരുന്നു ഇതെന്നും ഹെയ്ദി സാദിയ പറഞ്ഞു.
English Summary
Heidi Saadia, one of Kerala’s first transgender journalists, recently shared a personal experience she faced after undergoing gender-affirming surgery. In an interview, she revealed that while staying at her aunt’s house after the surgery, several women in the family were curious about the surgical results and even asked to see it. She described the situation as uncomfortable but said it reflects the kind of curiosity and social attitudes transgender individuals often face.
