അപൂര്വ രോഗമായ സ്പൈനല് മസ്കുലര് അട്രോഫി (എസ്.എം.എ) അസുഖം ബാധിച്ച 12 വയസ് വരെയുള്ള കുട്ടികള്ക്കുള്ള സൗജന്യ മരുന്ന് വിതരണം ആരംഭിച്ചു. ആദ്യ ഘട്ടത്തില് 10 കുട്ടികള്ക്കാണ് മരുന്ന് നല്കിയത്. ഇതുവരെ 57 കുട്ടികള്ക്കാണ് മരുന്ന് നല്കിയത്. 12 വയസ് വരെ ചികിത്സ ഉയര്ത്തുമ്പോള് 23 കുട്ടികള്ക്കും കൂടി മരുന്ന് നല്കുന്നതാണ്. ഇന്ത്യയില് ആദ്യമായാണ് ഒരു സംസ്ഥാനത്ത് അപൂര്വ രോഗത്തിനുള്ള മരുന്നുകള് സര്ക്കാര് തലത്തില് സൗജന്യമായി നല്കാനാരംഭിച്ചത്.
നവകേരള സദസ്സിനിടെ എസ്.എം.എ. ബാധിതയും കോഴിക്കോട് സ്വദേശിയുമായ സിയ മെഹ്റിന് തന്റെ അനുഭവം പങ്കുവയ്ക്കുന്നതിനിടേയാണ് അപൂര്വ രോഗത്തിനുള്ള മരുന്ന് വിതരണം 6 വയസിന് മുകളിലുള്ള കുട്ടികള്ക്കും ലഭ്യമാക്കിയാല് സഹായകരമാണെന്ന് പറഞ്ഞത്. ഇക്കാര്യം പരിശോധിച്ച് നടപടിയെടുക്കാന് മുഖ്യമന്ത്രി പിണറായി വിജയൻ ആരോഗ്യ വകുപ്പ് മന്ത്രി വീണാ ജോര്ജിന് നിര്ദേശം നല്കിയിരുന്നു. തുടര്ന്നാണ് മന്ത്രി വീണാ ജോര്ജ് സര്ക്കാര് തലത്തില് ചര്ച്ച ചെയ്ത് 6 വയസിന് മുകളിലുള്ള കുട്ടികള്ക്കും സൗജന്യ മരുന്ന് നല്കാന് കഴിഞ്ഞ മാസം തീരുമാനമെടുത്തത്.
സംസ്ഥാനത്ത് 6 വയസ് വരെ പ്രായമുള്ള കുട്ടികള്ക്ക് ഒന്നര വര്ഷത്തിലേറെയായി സൗജന്യ മരുന്ന് നല്കി വരുന്നുണ്ട്. ഒരു ഡോസിന് 6 ലക്ഷത്തോളം രൂപ വരുന്ന 600 യൂണിറ്റോളം റിസ്ഡിപ്ലാം മരുന്നാണ് ഇതുവരെ നല്കിയിട്ടുള്ളത്. മരുന്ന് ലഭിച്ച കുട്ടികളെല്ലാം തന്നെ രോഗം ശമിച്ച് കൂടുതല് ബലമുള്ളവരും കൂടുതല് ചലനശേഷിയുള്ളവരുമായി മാറിയിട്ടുണ്ട്.
Read Also: പഴകുംതോറും വീര്യം കൂടുമോ ?? യു.എ.ഇ.യിൽ പ്രളയബാധിത സ്ഥലത്തുനിന്നും 70 വർഷം പഴക്കമുള്ള കോള കണ്ടെത്തി
Read Also: 10 കോടി നഷ്ടപരിഹാരം നൽകണം; ശോഭാ സുരേന്ദ്രന് വക്കീൽ നോട്ടീസ് അയച്ച് ഗോകുലം ഗോപാലൻ
