ഈ വർഷം ചില അപ്രതീക്ഷിത പാഠങ്ങൾ താൻ പഠിച്ചു, കടലിന്റെ ചിത്രവും; വിവാഹമോചന കിംവദന്തികൾക്കിടയിൽ ഹൻസികയുടെ ജന്മദിന പോസ്റ്റ്
തമിഴ് സിനിമകളിലൂടെ പ്രേക്ഷകർക്ക് ഏറെ പരിചിതയായ നടിയാണ് ഹൻസിക മോട്വാനി. ബാലതാരമായി അഭിനയ ലോകത്തേക്ക് എത്തിയ നടി ബോളിവുഡ് ടോളിവുഡ് കോളിവുഡ് എന്നിങ്ങനെ എല്ലാ ഇന്റസ്ട്രിയിലും പേരും പ്രശസ്തിയും നേടിയതാണ്. വില്ലൻ എന്ന മോഹൻലാൽ ചിത്രത്തിലൂടെ മലയാളത്തിലും എത്തിയിട്ടുണ്ട്. എന്നാൽ അടുത്തിടെ നടി വിവാഹമോചനത്തിന് ഒരുങ്ങുന്നുവെന്ന അഭ്യൂഹങ്ങൾ പ്രചരിച്ചിരുന്നു.
ഈ അഭ്യൂഹങ്ങൾ പ്രചരിക്കാൻ തുടങ്ങിയിട്ട് കുറച്ച് അധികം നാളായെന്ന് വേണമെങ്കിൽ പറയാം.
തമിഴ്, തെലുങ്ക്, ഹിന്ദി, കന്നട, മലയാളം സിനിമകളിലൂടെ ദക്ഷിണേന്ത്യൻ സിനിമ പ്രേക്ഷകർക്ക് ഏറെ പരിചിതയായ നടി ഹൻസിക മോട്ട്വാനി, ഇപ്പോൾ തന്റെ സ്വകാര്യ ജീവിതവുമായി ബന്ധപ്പെട്ട അഭ്യൂഹങ്ങളിലൂടെയാണ് വാർത്തകളിൽ നിറയുന്നത്. അടുത്തിടെ നടിയുടെ ഭർത്താവ് സൊഹൈൽ കതൂരിയുമായി വിവാഹബന്ധം വേർപെടുത്താൻ ഒരുങ്ങുകയാണെന്ന വിവരങ്ങളാണ് സിനിമ ലോകത്ത് പ്രചരിക്കുന്നത്.
2022 ഡിസംബറിൽ സൊഹൈൽ കതൂരിയുമായി നടന്ന ഹൻസികയുടെ വിവാഹം വലിയ താരനിരയും, ആഡംബര ചടങ്ങുകളും കൊണ്ട് ശ്രദ്ധ പിടിച്ചുപറ്റിയിരുന്നു. ജിയോ ഹോട്സ്റ്റാറിൽ ആറു എപ്പിസോഡുകളായി സംപ്രേഷണം ചെയ്ത ‘Hansika’s Love Shaadi Drama’ എന്ന റിയാലിറ്റി ഷോയിലൂടെയാണ് വിവാഹം ആഘോഷിച്ചത്. എന്നാൽ, കഴിഞ്ഞ കുറച്ച് മാസങ്ങളായി ഹൻസികയും സൊഹൈലും ഒരുമിച്ചുള്ള മിക്ക സോഷ്യൽ മീഡിയ പോസ്റ്റുകളും നടി നീക്കം ചെയ്തു. 2025 ജൂലൈ 18ന് ശേഷമോ പുതിയ പോസ്റ്റുകളൊന്നും ഹൻസിക പങ്കുവച്ചിട്ടില്ല.
അടുത്തിടെ 34-ാം പിറന്നാൾ ആഘോഷിച്ചപ്പോൾ, ഹൻസിക ഇൻസ്റ്റഗ്രാം സ്റ്റോറിയിൽ പങ്കുവച്ച സന്ദേശവും ആരാധകരുടെ കൗതുകം കൂട്ടി. “ഈ വർഷം ഞാൻ ആവശ്യപ്പെടാതെ തന്നെ പല പാഠങ്ങളും പഠിച്ചു. എനിക്ക് ഇത്രയും ശക്തിയുണ്ടെന്ന് തിരിച്ചറിഞ്ഞു. ആത്മാവ് ശാന്തമാണ്” – എന്നാണ് താരം കുറിച്ചത്. കടലിന്റെ ചിത്രം പങ്കുവെച്ചതും അത് ജീവിതത്തിലെ മാറ്റങ്ങളെ സൂചിപ്പിക്കുന്നുവെന്ന വ്യാഖ്യാനങ്ങൾക്കും ഇടയായി.
ഹൻസികയും സൊഹൈലും വർഷങ്ങളായി സുഹൃത്തുക്കളായിരുന്നു
ഹൻസികയും സൊഹൈലും വർഷങ്ങളായി സുഹൃത്തുക്കളായിരുന്നു. നടിയുടെ സഹോദരനുമായും അടുത്ത സുഹൃത്ത് വൃത്തവുമായി ബന്ധപ്പെട്ടവരുമായിരുന്നു സൊഹൈൽ. പ്രത്യേകിച്ച്, ഹൻസികയുടെ അടുത്ത സുഹൃത്ത് റിങ്കി ബജാജിനെയാണ് സൊഹൈൽ ആദ്യം വിവാഹം കഴിച്ചത്. പിന്നീട് ഇരുവരും പ്രണയത്തിലായി, 2022ൽ പാരീസിലെ ഈഫൽ ടവറിനു കീഴിൽ സൊഹൈൽ വിവാഹാഭ്യർത്ഥന നടത്തി.
വിവാഹത്തിന് ശേഷം അമ്മയുടെ വീട്ടിൽ നിന്ന് മാറി സൊഹൈലിനൊപ്പം താമസിക്കാൻ പോയ ഹൻസിക, അടുത്തിടെ അമ്മയുടെ അടുത്തേക്ക് തിരിച്ചെത്തിയെന്ന വാർത്തകളും ഇപ്പോൾ അഭ്യൂഹങ്ങളെ ശക്തിപ്പെടുത്തുന്നു.
ബാലതാരമായി അഭിനയ ജീവിതം ആരംഭിച്ച ഹൻസികയുടെ ആദ്യ പ്രധാന ചിത്രം 2007-ൽ പുറത്തിറങ്ങിയ തെലുങ്ക് സിനിമ ‘ദേശമുദുരു’ ആണ്, അല്ലു അർജുൻ നായകനായി. അതേ വർഷം തന്നെ ഹിമേഷ് രേഷാമിയ നായകനായ ‘ആപ്കാ സുരൂർ’ എന്ന ഹിന്ദി ചിത്രത്തിലൂടെ ബോളിവുഡിലും അരങ്ങേറ്റം കുറിച്ചു. പിന്നീട് തമിഴ്, തെലുങ്ക്, കന്നട, മലയാളം തുടങ്ങി വിവിധ ഭാഷകളിൽ അനവധി ചിത്രങ്ങളിൽ നായികയായി. മലയാളത്തിൽ മോഹൻലാൽ നായകനായ ‘വില്ലൻ’ മുഖേന എത്തി.
സോഷ്യൽ മീഡിയയിൽ നിന്ന് ഹൻസികയുടെ പെട്ടെന്നുള്ള ‘അസാന്നിധ്യവും’ വിവാഹ ചിത്രങ്ങൾ നീക്കം ചെയ്തതും, ഇൻസ്റ്റഗ്രാം സ്റ്റോറിയിലെ സൂചനാപരമായ വാചകങ്ങളും, ഭർത്താവിനോടുള്ള അകലം എന്നിവ കാരണം ആരാധകർ നടിയുടെ വിവാഹജീവിതം പ്രതിസന്ധിയിലാണെന്ന് കരുതുന്നു. ഔദ്യോഗിക പ്രതികരണം ലഭിക്കാത്തതിനാൽ, ഇപ്പോൾ എല്ലാം അഭ്യൂഹങ്ങൾ മാത്രമാണ്.
ENGLISH SUMMARY:
South Indian actress Hansika Motwani is facing divorce rumours with husband Sohail Kathuria after she removed wedding photos and became inactive on social media. Fans speculate trouble in their marriage.
