കൊച്ചി: പാതിവില തട്ടിപ്പ് കേസിലെ പ്രതി അനന്തു കൃഷ്ണനുമായി പൊലീസ് ഇന്ന് തെളിവെടുപ്പ് നടത്തും. തൊടുപുഴ കോളപ്രയിലെ ഓഫീസിലും വീട്ടിലും, വാങ്ങിയ ഭൂമിയിലും എത്തി തെളിവെടുപ്പ് നടത്തും. പിന്നാലെ കൊച്ചിയിലെ ഓഫീസുകളിലും ഫ്ളാറ്റിലും എത്തിച്ച് തെളിവെടുക്കും.(half price scam police may take evidence with accused)
ഇടുക്കിയിലും ഈരാറ്റുപേട്ടയിലുമായി അഞ്ച് ഇടങ്ങളില് ഭൂമി വാങ്ങിയെന്നാണ് പ്രതിയുടെ മൊഴി. കുടയത്തൂരില് ഒരു സ്ഥലത്തിന് അഡ്വാന്സ് തുകയും നല്കിയിട്ടുണ്ട്. തിരുവനന്തപുരത്തെ സായി ഗ്രാമം ഗ്ലോബല് ട്രസ്റ്റ് ചെയര്മാന് ആനന്ദ കുമാറിന് കഴിഞ്ഞവര്ഷം രണ്ടു കോടി രൂപ കൈമാറിയതായും പ്രതി പറഞ്ഞിട്ടുണ്ട്.
കോണ്ഗ്രസ് നേതാവ് ലാലി വിന്സെന്റിന് 46 ലക്ഷം രൂപ നല്കിയതിന്റെ ഇടപാട് രേഖകളും അന്വേഷണ സംഘത്തിന് ലഭിച്ചിട്ടുണ്ട്. ഇടുക്കിയിലെയും എറണാകുളത്തെയും പ്രമുഖ രാഷ്ട്രീയ നേതാക്കള്ക്ക് പണം നല്കി എന്നും തിരഞ്ഞെടുപ്പ് കാലത്ത് അവരുടെ ഓഫീസ് സ്റ്റാഫുകള്ക്കാണ് പണം കൈമാറിയതെന്നും അനന്തു ചോദ്യം ചെയ്യലില് സമ്മതിച്ചിട്ടുണ്ട്.
