തിരുവനന്തപുരം: സംസ്ഥാനത്ത് സ്വർണവില കുറഞ്ഞു. ഇന്ന് ഗ്രാമിന് 50 രൂപയാണ് ഇടിവാണ് രേഖപ്പെടുത്തിയത്. ഇതോടെ ഒരു ഗ്രാം സ്വർണത്തിന് വില 6575 രൂപയായി. ഒരു പവൻ സ്വർണത്തിന് വില 52600 രൂപയിലുമെത്തി. 18 കാരറ്റിന്റെ ഒരു ഗ്രാം സ്വർണത്തിന് വില 40 രൂപ കുറഞ്ഞ് 5485 രൂപയിലുമെത്തി.
ഏപ്രിൽ 29ന് ആണ് സ്വര്ണവില ആദ്യമായി 50,000 കടന്നത്. പിന്നീടുള്ള ദിവസങ്ങളില് കൂടിയും കുറഞ്ഞും നിന്ന സ്വര്ണവില കഴിഞ്ഞ മാസം മൂന്നാം തീയതി മുതല് വീണ്ടും ഉയര്ന്ന് റെക്കോര്ഡുകള് ഭേദിച്ച് കുതിക്കുകയായിരുന്നു. 19ന് 54,500 കടന്ന് സ്വര്ണവില സര്വകാല റെക്കോർഡിട്ടു.
പത്തുദിവസത്തിനിടെ ഏകദേശം 2000 രൂപ കുറഞ്ഞ ശേഷം ഇന്നലെ വീണ്ടും തിരിച്ചുകയറിയ സ്വര്ണവിലയാണ് ഇടിഞ്ഞത്. ഇന്നലെ 560 രൂപ വർധിച്ചിരുന്നു.
