കൊച്ചി: സംസ്ഥാനത്ത് സ്വര്ണവില വീണ്ടും കുറഞ്ഞു. പവന് 200 രൂപയാണ് കുറഞ്ഞത്. ഇതോടെ ഒരു പവന് സ്വര്ണത്തിന്റെ വില 53,360 രൂപയിലെത്തി. ഗ്രാമിന് 25 രൂപ കുറഞ്ഞ് ഒരു ഗ്രാം സ്വര്ണത്തിന്റെ വില 6670 രൂപയിലുമെത്തി.(Gold rate decreased in kerala today)
20 ദിവസത്തിനിടെ ഏകദേശം 3000 രൂപ വര്ധിച്ച് 53,720 രൂപയിലേക്ക് എത്തിയ ശേഷമാണ് സ്വര്ണവില കുറയാന് തുടങ്ങിയത്. കഴിഞ്ഞ മാസം 28നാണ് 53,720 രൂപയിലേക്ക് സ്വര്ണവില കുതിച്ചത്. ദിവസങ്ങളുടെ വ്യത്യാസത്തില് സ്വര്ണവിലയില് 360 രൂപയാണ് കുറഞ്ഞത്. കേന്ദ്ര ബജറ്റില് കസ്റ്റംസ് തീരുവ കുറച്ചതോടെ സ്വര്ണവിലയില് ദിവസങ്ങളുടെ വ്യത്യാസത്തില് 4500 രൂപയോളമാണ് താഴ്ന്നത്. എന്നാൽ പിന്നീട് വില ഉയരുകയായിരുന്നു.
