സംസ്ഥാനത്ത് സ്വർണവില വീണ്ടും കുത്തനെ ഉയർന്നു. ഒരു പവൻ സ്വർണത്തിനു 840 രൂപയാണ് ഇന്ന് വർധിച്ചത്. ഇതോടെ ചരിത്രത്തിൽ ആദ്യമായി പവന്റെ വില 62,000 കടന്നു. 62,480 രൂപയാണ് ഇന്നത്തെ ഒരു പവൻ സ്വർണത്തിന്റെ വിപണി വില.
ഒരാഴ്ചയ്ക്ക് ശേഷം ഇന്നലെ സ്വർണവില നേരിയ രീതിയിൽ കുറഞ്ഞിരുന്നു. 320 രൂപയുടെ കുറവാണ് ഇന്നലെ ഉണ്ടായത്. വിലയിലുണ്ടായ കുതിച്ചുചാട്ടത്തോടെ ഒരു പവൻ സ്വർണാഭരണം വാങ്ങണമെങ്കിൽ പണിക്കൂലിയും ജിഎസ്ടിയുമടക്കം ഇനി 70,000 രൂപയോളം നൽകേണ്ടി വരും.
ഒരു ഗ്രാം 22 കാരറ്റ് സ്വർണത്തിന്റെ വിപണി വില 7,810 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 6455 രൂപയാണ്. വെള്ളി വിലയിൽ ഇന്ന് മാറ്റമില്ല. ഒരു ഗ്രാം വെള്ളിയുടെ വില 104 രൂപയാണ്.
