അമ്പലപ്പുഴ: കെഎസ്ആര്ടിസി സൂപ്പര്ഫാസ്റ്റ് ബസില് കഞ്ചാവുമായി യാത്ര ചെയ്ത യുവാവ് അറസ്റ്റിൽ. പുറക്കാട് ഒറ്റപ്പന സ്വദേശിയായ ഷെഫീക്കിനെയാണ് അമ്പലപ്പുഴ പൊലീസ് പിടികൂടിയത്. പ്ലാസ്റ്റിക്ക് കവറിലും പേപ്പറില് പൊതിഞ്ഞും സൂക്ഷിച്ച 1.200 കിലോഗ്രാം കഞ്ചാവ് ഇയാളില് നിന്ന് പിടികൂടി.
തിരുവനന്തപുരത്തുനിന്ന് പാലക്കാട്ടേക്കുള്ള സൂപ്പര്ഫാസ്റ്റ് ബസിലാണ് സംഭവം. കൊല്ലത്ത് നിന്നാണ് ഇയാൾ യാത്ര തുടങ്ങിയത്. തോട്ടപ്പള്ളി സ്റ്റോപ്പില് ബസ് നിർത്തിയപ്പോൾ ഇയാളെ പിടികൂടുകയായിരുന്നു. രഹസ്യവിവരം ലഭിച്ചതിനെ തുടർന്നാണ് ഇന്ന് രാവിലെ പത്തരയോടെ പോലീസ് പരിശോധന നടത്തിയത്. സ്റ്റേഷനിലെത്തിച്ച പ്രതിയെ പൊലീസ് ചോദ്യം ചെയ്യുകയാണ്.
Read Also: പാതയിൽ പോള, സർവീസ് മുടങ്ങിയിട്ട് ഒരു മാസം; കോട്ടയം- ആലപ്പുഴ ബോട്ട് സര്വീസ് പുനരാരംഭിച്ചു
Read Also: ചക്രവാതചുഴി; സംസ്ഥാനത്ത് അടുത്ത 5 ദിവസം മഴക്ക് സാധ്യത, ചുഴലിക്കാറ്റ് മുന്നറിയിപ്പ്
