തിരുവനന്തപുരം: മുന് മന്ത്രിയും മുസ്ലിം ലീഗ് നേതാവുമായ കുട്ടി അഹമ്മദ് കുട്ടി അന്തരിച്ചു. 71 വയസ്സായിരുന്നു. താനൂരിൽ വെച്ചാണ് അന്ത്യം സംഭവിച്ചത്. 2004-ലെ ഉമ്മന്ചാണ്ടി മന്ത്രിസഭയില് തദ്ദേശസ്വയംഭരണ വകുപ്പ് മന്ത്രിയായിരുന്നു അദ്ദേഹം.
താനൂർ, തിരൂരങ്ങാടി എംഎല്എയായിരുന്നു. 1992 ലെ ഉപതിരഞ്ഞെടുപ്പില് താനൂരില് നിന്നും 1996-ലും, 2001-ലും തിരൂരങ്ങാടിയില് നിന്നുമാണ് കുട്ടി അഹമ്മദ് കുട്ടി നിയമസഭ അംഗമായത്. മുസ്ലിംലീഗ് താനൂർ മണ്ഡലം അദ്ധ്യക്ഷൻ, എസ് ടിയു മലപ്പുറം ജില്ലാ പ്രസിഡന്റ്, മലപ്പുറം ജില്ലാ പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ എന്നീ ചുമതലകള് വഹിച്ചിട്ടുണ്ട്.
കുറച്ചുകാലമായി അസുഖബാധിതനായി ചികിത്സയിലാണ്. അതിനാല് സജീവ രാഷ്ട്രീയത്തില് നിന്നും വിട്ടുനില്ക്കുകയായിരുന്നു. ഭിന്നശേഷിക്കാരുടെ ക്ഷേമത്തിനും പുനരധിവാസ പ്രവര്ത്തനങ്ങള്ക്കുംവേണ്ടി പ്രവര്ത്തിച്ചതനുള്ള അംഗീകാരമായി വരം പുരസ്കാരം ലഭിച്ചിട്ടുണ്ട്.
